Illas Bounty

Proxección ortográfica centrada sobre as illas Bounty.

Situacón das illas Bounty en relación con Nova Zelandia, e outras illas periféricas.

A Illas Bounty, situadas en 47°45′S 179°03′L son un pequeno grupo de 13 illotes e numerosas rocas no sur do océano Pacífico que forma parte de Nova Zelandia. Están localizadas entre 47°44'35" e 47°46'10" de latitude sur, e 179°01' e 179°04'20" de lonxitude este, 650 quilómetros ao sueste da Illa Sur de Nova Zelandia. O arquipélago está deshabitado, pero densamente poboado polos pingüíns e os albatros. Durante o século XIX, era unha zona de caza de focas.

O arquipélago ten tan só 5 quilómetros no seu eixo máis longo, e comprende tres subgrupos, o Grupo Principal cara ao NW, o Grupo Central e o Grupo do Leste. A área total é só 1'3 km², e o punto máis alto é de 73 metros sobre o nivel do mar, na illa Funnel. As illas Bounty foron descubertas polo Capitán William Bligh en 1788 e chamadas así polo seu barco, meses antes do coñecido motín do Bounty.

As 13 illas

• Grupo Principal (47°45′S 179°02′L):
  • Illa Depot (a máis grande)
  • Illa Lion
  • Illa Penguin
  • Illa Proclamation
  • Illa Ranfurly
  • Illa Ruatara
  • Illa Spider
  • Illa Tunnel
• Grupo Central (47°45′45″S 179°02′40″L):
  • Illa Castle
  • Illa Funnel (illote principal)
  • Illa Prion
• Grupo do Leste (47°46′S 179°04′L):
  • Illa Molly Cap (illote principal)
  • Roca North

As illas están nas antípodas de Bouillé-Ménard, na rexión do País do Loira, en Francia.