Iámblico (novelista)
| Biografía | |
|---|---|
| Nacemento | Siria  |
| Actividade | |
| Ocupación | escritor |
| Período de actividade | 165 (Gregoriano) - 180 (Gregoriano) |
| Lingua | Grego antigo |
Iámblico (Ἰάμβλιχος Iámblikhos) foi un novelista da Antiga Grecia nado en Siria e que viviu durante o século II.
Traxectoria[editar | editar a fonte]
Naceu antes do ano 115 e atopábase en activo con posterioridade ao ano 165, dado que menciona nos seus escritos a Sohemo, un rei de Armenia reposto polos romanos[1]. Por tanto a súa novela Babiloníacas débese datar no último terzo do século II. O argumento e estrutura desta obra coñécense a través da Biblioteca de Focio[2].
Argumento das Babiloníacas[editar | editar a fonte]
A acción desenvólvese en Mesopotamia, antes do dominio dos persas. O eixo da acción é o desexo de Garmos, rei de Babilonia que quedou viúvo, de posuír a Sinonis, esposa de Ródanes. Sinonis non accede aos desexos do rei e este manda encadear e crucificar a Ródanes, pero Sinonis sálvao e ambos foxen. Son perseguidos polos eunucos do rei, Sacas e Damas.
Aparece un ladrón antropófago, así como pantasmas, dáse importancia á maxia e sucédense unha serie de persecucións, asasinatos e confusións[3][4].
Notas[editar | editar a fonte]
- ↑ Albin Lesky, Historia de la literatura griega p. 889. Madrid: Gredos 1976, ISBN 84-249-3132-7
- ↑ Focio, Biblioteca, códice 94.
- ↑ Albin Lesky, Historia de la literatura griega p. 897.
- ↑ Carlos García Gual, Los orígenes de la novela, p.261, Madrid: Istmo (1972), ISBN 84-7090-192-3.
Véxase tamén[editar | editar a fonte]
Bibliografía[editar | editar a fonte]
- W. Röllig: Iamblichos (3). In: Der Kleine Pauly (KlP). Band 2, Stuttgart 1967, Sp. 1307.
