Heliozoos

Na Galipedia, a Wikipedia en galego.
Os centrohélidos, como este Raphidophrys contractilis, foron considerados Heliozoa.
Sección dun axópodo mostrando os microtúbulos. Os axópodos son característicos dos heliozoos.

Os heliozoos ou Heliozoa (do grego helios, sol, e zoon, animal) son protistas ameboides fagótrofos [1], que formaban unha clase nas antigas clasificacións, pero que agora o seu nome se utiliza simplemente como un termo descritivo para protistas con determinado aspecto. Teñen forma aproximadamente esférica con numerosas proxecciones sostidas por microtúbulos chamadas axópodos que irradian cara a afora desde a superficie da célula. Estes danlles o aspecto característico en forma de sol a partir do cal recibiron o seu nome. As funcións destes axópodos son variadas: captura do alimento, percepción de sensacións e movemento. Os heliozoos son similares a Radiolaria, pero distínguense destes por careceren de cápsulas centrais e doutros elementos esqueléticos complexos, aínda que algúns producen escamas e espiñas simples. Encóntranse en augas doces e mariñas.

Orixinalmente, os heliozoos agrupáronse nunha clase formal denominada Heliozoa ou Heliozoea, pero os distintos ordes que a formaban presentan diferenzas moi salientables e agora considérase que non están relacionados entre si. Actualmente, heliozoo tómase como un termo descritivo que se aplica a varios grupos de protistas, que son os seguintes [2]:

Varios nucleariida foron anteriormente considerados heliozoos, aínda que non teñen axópodos sostidos por microtúbulos.

Notas[editar | editar a fonte]

  1. Cavalier-Smith T, von der Heyden S (September 2007). "Molecular phylogeny, scale evolution and taxonomy of centrohelid heliozoa". Mol. Phylogenet. Evol. 44 (3): 1186–203. DOI:10.1016/j.ympev.2007.04.019. PMID 17588778. [1].
  2. Nikolaev SI, Berney C, Fahrni JF, et al (May 2004). "The twilight of Heliozoa and rise of Rhizaria, an emerging supergroup of amoeboid eukaryotes". Proc. Natl. Acad. Sci. U.S.A. 101 (21): 8066–71. DOI:10.1073/pnas.0308602101. PMC 419558. PMID 15148395. [2].

Véxase tamén[editar | editar a fonte]

Ligazóns externas[editar | editar a fonte]

  • Imaxe do heliozoo Actinosphaerium [3]