Fosfolipase

Na Galipedia, a Wikipedia en galego.
Fosfolipase A2.

As fosfolipases son unha clase de encimas que hidrolizan os enlaces éster presentes nos fosfolípidos. Os produtos resultantes da reacción poden ser ácidos graxos que estaban unidos ao glicerol do fosfolípido, ou outros compoñentes do fosfolípido, dependendo do punto da molécula onde rompan o enlace.

Clasificación[editar | editar a fonte]

Sitios hidrolizados polas fosfolipases A1, A2, C e D. A fosfolipase B hidroliza tanto os sitios de A1 coma de A2.

Dependendo do enlace éster que escinden clasifícanse como A1, A2, B, C ou D. As fosfolipases C e D son consideradas fosfodiesterases.

Fosfolipase A1[editar | editar a fonte]

As fosfolipases A1 (PLA1) hidrolizan o enlace éster entre o primeiro acilo e o glicerol.[1]

Fosfolipase A2[editar | editar a fonte]

As fosfolipases A2 (PLA2) hidrolizan o enlace éster entre o segundo acilo e o glicerol.[1] Libera o ácido graxo ácido araquidónico e lisofosfolípido.

Fosfolipase B[editar | editar a fonte]

As fosfolipases B (PLB) hidrolizan o enlace éster do primeiro acilo e o do segundo co glicerol.

Fosfolipase C[editar | editar a fonte]

As fosfolipases C (PLC) hidrolizan o enlace éster entre o glicerol e o grupo fosfato.[1] Como cortan o enlace antes do fosfato liberan diacilglicerol e o conxunto fosfato-cabeza polar. Son importantes na transdución de sinais na célula, xa que liberan o segundo mensaxeiro inositol trifosfato.

Fosfolipase D[editar | editar a fonte]

As fosfolipases D (PLD) hidrolizan o enlace éster entre o fosfato e o grupo variable.[1] Cortan o enlace despois do fosfato, polo que liberan ácido fosfatídico e un alcohol da cabeza polar do fosfolípido.

Notas[editar | editar a fonte]

  1. 1,0 1,1 1,2 1,3 Lidish, Berk, Matsudaira, Kaiser, Krieger, Scott, Zipursky, Darnell (2005) (en castelán). "Biología Celular y Molecular (5ª edición)". Panamericana. ISBN 950-06-1374-3. 
Commons
Commons ten máis contidos multimedia na categoría: Fosfolipase

Véxase tamén[editar | editar a fonte]

Outros artigos[editar | editar a fonte]

Ligazóns extrernas[editar | editar a fonte]