Fontibre é unha localidade do municipio de Hermandad de Campoo de Suso, en Cantabria, situado a algo máis de tres quilómetros da capital municipal, Espinilla. No ano 2012 a localidade tiña 68 habitantes (INE). Respecto da economía, predomina a actividade agropuecuaria. A súa festa máis importante é San Fernando, que se celebra o 30 de maio.
A localidade é coñecida por albergar o xurdimento das augas do río Ebro tras o seu percorrido subterráneo polas calcarias do monte Guariza. O nome da localidade provén do latínFontes Iberis ("fontes do Ebro") e xa é citado por Plinio o Vello, que a sitúa preto da cidade romana de Iuliobriga.
