Familia real portuguesa
(Redirección desde «Familia Real Portuguesa»)
A Familia real portuguesa era a familia constituída polo monarca portugués e polos seus familiares directos. Tras a implantación da República o 5 de outubro de 1910, Portugal deixou de ter familia real. Actualmente, reivindican a titularidade de seren da familia real portuguesa membros da familia da Casa de Bragança e membros da familia da Casa de Bragança-Saxonia-Coburgo-Gotha.
No pasado, aos diversos membros da familia real éranlles recoñecidos os seguintes tratamentos de honra:
- A Súa Maxestade Fidelísima, reservado ao rei e á raíña;
- A Súa Alteza Real, reservado ao herdeiro do trono (príncipe) e ao primoxénito deste, que ademais levaba o título de Príncipe da Beira;
- A Súa Alteza, reservado para os demais fillos do rei;
- A Súa Excelencia, outorgado aos restantes membros da familia real (así como ás persoas que detivesen títulos de nobreza).
Últimos membros legais[editar | editar a fonte]
Formaban parte da familia real portuguesa no momento da implantación da República Portuguesa as seguintes persoas:
- O rei Manuel II
- A raíña Amelia de Orleáns, nai de Manuel II (casada con Carlos I)
- A raíña María Pía de Savoia, avoa de Manuel II (casada con Lois I)
- O infante Afonso de Bragança, Duque do Porto, tío de Manuel II.
Reivindicacións[editar | editar a fonte]
Actualmente, membros da Casa de Bragança reivindícanse como lexítima familia real portuguesa, así como o emprego deses títulos de honra.