Deuterio

Na Galipedia, a Wikipedia en galego.

O deuterio é un isótopo do hidróxeno cun neutrón no núcleo (ademais do protón). O isótopo deste elemento con dous neutróns denomínase tritio.

O osíxeno combinado con dous deuterios forma a molécula de auga pesada (óxido de deuterio), un dos líquidos máis caros e valiosos por ser bo moderador nos reactores nucleares denominados "de auga pesada". A auga pesada é moi eficiente pola súa baixa taxa de absorción de neutróns; acada a maior "economía neutrónica" de todos os sistemas reactores comerciais, o que permite empregar neles como combustible uranio natural (sen que compra enriquecelo).

A fusión do deuterio basease na fusión do núcleo deste isótopo cun protón para forma-lo isótopo helio-3, que é estable e non radioactivo .

Fusión do deuterio en ananas marróns[editar | editar a fonte]

Calcúlase que masa teórica mínima dunha estrela pode ser, e que aínda estea sometida á fusión do hidróxeno no seu núcleo, dunhas 75 veces a masa de Xúpiter, mentres cá fusión do deuterio pode ocorrer o redor de masas tan baixas coma as 13 masas de Xúpiter. Polo tanto a fusión do deuterio (e en moito menor medida, o tritio e o litio) é a característica que marca os límites do que é unha anana marrón.[1][2][3] As ananas marróns poden estar brillando varios centos de millóns de anos antes de que as súas reservas de deuterio se esgoten.[4]

Citas[editar | editar a fonte]