Delia Osorio Otero
Biografía | |
---|---|
Nacemento | 29 de novembro de 1891 A Barra, España |
Morte | 14 de novembro de 1966 (74 anos) Ourense, España |
Lugar de sepultura | Cemiterio de San Francisco de Ourense |
Datos persoais | |
País de nacionalidade | España |
Actividade | |
Ocupación | mestra |
Familia | |
Irmáns | Cleofé Osorio Otero |
María Delia Osorio Otero, nada en Barra, Castro Canedo o 29 de novembro de 1891,[1] e finada en Ourense o 14 de novembro de 1966, foi unha mestra galega.
Traxectoria[editar | editar a fonte]
En 1909 matriculouse por libre na Escola Normal de Ourense. Ao rematar o primeiro curso trasladouse á Escola Normal de León. Rematou os estudos de maxisterio na Escola Normal de Pontevedra en 1913.[2] Aprobou as oposicións e foi nomeada mestra de Prada (A Veiga) en 1919,[3] e despois trasladouse ao Castro de Beiro. Pertenceu á Asociación de Trabajadores de la Enseñanza de Orense, da que era vogal 2ª do Consello directivo provincial en 1936,[4] e colaborou na súa revista Escuela del Trabajo. Co golpe de Estado do 18 de xullo de 1936 foi destituída a principios de agosto.[5] Abríronlle expediente de depuración en 1937,[6] co resultado de separación definitiva do servizo e baixa na escala en abril de 1940.[7]