Cordite tuberosa

Nódulo nas cordas vocais
	Nódulo telanxiectásico en corda vocal dereita, visto mediante microlaringoscopia.
	Aviso médico. Advertencia: A Wikipedia non dá consellos médicos.; Se cre que pode requirir tratamento, por favor, consúltello ao médico.

Os nódulos ou nós^[1] das cordas vocais^[2], nódulo vocal^[3] ou cordite tuberosa^[3] en patoloxía, son hiperqueratoses do tecido das cordas vocais. É unha lesión sólida e elevada de máis de 1 cm de diámetro. Adoita estar ben delimitado e de orixe epitelial ou conxuntival. Os nódulos distorsionan ou impiden o movemento natural das cordas vocais ao falar ou cantar en voz baixa. Afecta especialmente ao movemento da capa mucosa da corda vocal que produce a voz de falsete.

Etioloxía[editar | editar a fonte]

Os nódulos fórmanse por un uso inadecuado ou excesivo da voz (cantar cunha presión subglótica esaxerada, nun ambiente ruidoso, en recentemente nados chorando durante horas, entre outros casos). A medida que se xeran nódulos vocais, o timbre vocal escurece e o cantante perde a capacidade de cantar en piano. Tamén o vibrato cambia con frecuencia da onda complexa á onda de glote.^[4]

Cadro clínico[editar | editar a fonte]

Os signos clínicos frecuentes do nódulo vocal son a afonía e a disfonía, que impiden a produción de sons vocais 'normais'. Os nódulos vocais son máis comúns en nenos e mulleres maiores de 20 anos.

Tratamento[editar | editar a fonte]

O tratamento dos nódulos vocais consiste na economía da voz, cambio de técnica vocal e, ás veces, require intervención cirúrxica nas cordas vocais^[5].

Notas[editar | editar a fonte]

↑ "bUSCatermos; nó". aplicacions.usc.es. Consultado o 2022-06-14.
↑ "bUSCatermos; cordas vocais". aplicacions.usc.es. Consultado o 2022-06-14.
↑ ^3,0 ^3,1 "Nódulo; nódulo vocal. p 513" (PDF). Dicionario galego de termos médicos. Arquivado dende o orixinal (PDF) o 10 de novembro de 2021. Consultado o 14 de xuño de 2022.
↑ "Los nOdulos, enfermedad profesional de la voz" (PDF) (en castelán). Consultado o 17 de febrero de 2019.
↑ Cervantes, Onivaldo; Abrahão, Márcio. O nódulo vocal: conceptos actuais. Rev. Su. med. otorrinolaringol; 2(1):12, 14, 16-7, Xan. 1995.