Ciencia de datos
A ciencia dos datos, tamén coñecida como ciencia de datos ou data science en inglés,[1] é un campo interdisciplinar de métodos, procesos e sistemas científicos para extraer información e coñecemento dos datos. Usando datos estruturados ou non estruturados (véxase minaría de datos), a ciencia de datos é un campo da ciencia que une a estatística, a informática e outros campos do coñecemento co obxectivo final de comprender e modelar un fenómeno.[2] Dentro desta área podemos atopar outros subcampos como a aprendizaxe automática, a aprendizaxe profunda, a clasificación, a análise de clúster, a minaría de datos, as bases de datos ou a visualización de datos.[3]
A ciencia de datos é unha nova metodoloxía enfocada a converter os datos en accións. Así, en lugar de basear as decisións na intuición, este campo ofrece ferramentas para optimizar a toma de decisións mediante o coñecemento e a análise de resultados. A ciencia de datos é unha ferramenta para informar, non para explicar.
Polo xeral, os pasos a seguir nestes procesos son: facerse unha pregunta, obter os datos, procesalos (límpalos, agrupalos, seleccionalos...), analizalos e, finalmente, tomar unha decisión e actuar.
Notas[editar | editar a fonte]
- ↑ Donoho, David (2017-10-02). "50 Years of Data Science". Journal of Computational and Graphical Statistics (en inglés) 26 (4): 745–766. ISSN 1061-8600. doi:10.1080/10618600.2017.1384734.
- ↑ Hayashi, Chikio (1998). Hayashi, Chikio; Yajima, Keiji; Bock, Hans-Hermann; Ohsumi, Noboru, eds. "What is Data Science ? Fundamental Concepts and a Heuristic Example". Data Science, Classification, and Related Methods. Studies in Classification, Data Analysis, and Knowledge Organization (en inglés) (Tokyo: Springer Japan): 40–51. ISBN 978-4-431-65950-1. doi:10.1007/978-4-431-65950-1_3.
- ↑ Turístico, Pulso. "¿Por qué continuar tu formación en ciencia de datos con una maestría?". PulsoTuristico (en castelán). Consultado o 2023-07-16.
