Castelo, Culleredo

Na Galipedia, a Wikipedia en galego.
Castelo
Hórreo en Vilaverde, Castelo, Culleredo.JPG
Hórreo en Vilaverde
Concello Culleredo
Poboación 303 hab. (2009)
Entidades de poboación 6

Santiago de Castelo é unha parroquia localizada no sueste do concello de Culleredo, marcadamente rural. Segundo o IGE en 2009 tiña 303 habitantes (154 mulleres e 149 homes) distribuídos en 6 entidades de poboación, o que supón unha diminución en relación ao ano 1999 cando contaba con 329 habitantes.

Situación[editar | editar a fonte]

Castelo sitúase ao carón do Monte Xalo (sendo a entrada a este cumio pola súa vertente de Culleredo) e do núcleo urbano do concello de Carral; ademais de lindar coa parroquia cullerdense de Celas de Peiro e tamén coa parroquia carralesa de Tabeaio.

Economía[editar | editar a fonte]

As actividades económicas principais da parroquia son a agricultura e a gandería de autoabastecemento, minoritariamente representativas entre a poboación, traballando a meirande parte dos seus veciños fóra do lugar.

Patrimonio[editar | editar a fonte]

  • Igrexa de Santiago de Castelo, reproduce a tipoloxía das igrexas rurais erixidas durante os séculos XVII e XVIII.
  • Capela de San Ramón, erguida no lugar onde existiu unha dedicada á Virxe do Vao.

Festas[editar | editar a fonte]

Castelo vén celebrando dúas festas patronais anuais, reunindo varias das características das festas patronais galegas: dianas e alboradas, misas solemnes, verbenas, etc.

  • Festas de Santiago Apóstolo: varios días de festexos en torno ao 25 de xullo, festividade de Santiago Apóstolo.
  • Festas de San Ramón: nos últimos anos celébranse o último venres, sábado e domingo do mes de agosto; sendo o venres o día grande dos festexos, onde destaca a celebración dunha gran churrascada popular.

Lugares e parroquias[editar | editar a fonte]

Lugares de Castelo[editar | editar a fonte]

Lugares da parroquia de Castelo no concello de Culleredo

Castelo de Abaixo | Castelo de Arriba | Donepedre | Folgueira | Vilaverde | Xalo | Xián

Parroquias de Culleredo[editar | editar a fonte]

Galicia | Provincia da Coruña | Parroquias de Culleredo

Almeiras (San Xián) | O Burgo (Santiago) | Castelo (Santiago) | Celas (Santa María) | Culleredo (Santo Estevo) | Ledoño (San Pedro) | Orro (San Salvador) | Rutis (Santa María) | Sésamo (San Martiño) | Sueiro (Santo Estevo) | Veiga (San Silvestre)

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

  • FestasCastelo.com: web sobre as festas patronais de Castelo.
  • CasteloDeporte.org: web da Asociación Castelo Deporte, entidade xuvenil sen ánimo de lucro con sede en Castelo que fomenta o deporte e a cultura rural entre a mocidade.