Carro solar de Trundholm

Na Galipedia, a Wikipedia en galego.
O carro solar

O carro solar de Trundholm é un célebre obxecto de bronce descuberto en 1902 por un campesiño no pantano de Trundholm en Odsherred, perto de Nykøbing, provincia de Sjælland (Celandia) en Dinamarca. Represéntase un cabalo e un grande disco, ambos os dous colocados sobre una estrutura en forma de carro con rodas de raios.

Está datado na primeira Idade do bronce arredor de 1400 a.C.. Na actualidade consérvase en Copenhaguen no Nationalmuseet.

Descrición[editar | editar a fonte]

O conxunto mide 60 centímetros de longo. O cabalo, dunha bela factura de bronce, repousa sobre catro rodas de catro raios. O disco solar, dun diámetro de 25 centímetros, descansa sobre dúas rodas e conserva unha parte do seu dourado por unha das caras. É a máis antiga representación do carro solar que se coñece en Europa.

Significación[editar | editar a fonte]

Admítese en xeral, hoxe, que este carro solar é a representación en miniatura dun carro cultual que se pasearía sobre un percorrido solar máxico, como nos indican os cultos de Nerthus na Xermania do Norte e de Freyr en Suecia.[1]

A cara dourada, situada sobre a parte dereita do cabalo, representaría o curso diurno do sol de leste a oeste; a face contraria, escura, o percurso nocturno.

O obxecto puido se depositado en ofrenda nunha sepultura que máis tarde desapareceu.

Notas[editar | editar a fonte]

  1. Segundo o estuda Björn Ulbricht, Im Tanze der Elemente. Kult und Ritus der heidnischen Gemeinschaft, Arun-Verlag, Wöl-flau 88, D-8313 Vilsbiburg ; ISBN 3-927940-00-3.

Véxase tamén[editar | editar a fonte]

Commons
Commons ten máis contidos multimedia sobre: Carro solar de Trundholm

Outros artigos[editar | editar a fonte]

Ligazóns externas[editar | editar a fonte]