Captain America

Na Galipedia, a Wikipedia en galego.
Capitán América
Captain America cosplay o.jpg
Disfrace do Capitán América.
Información editorial
Editorial Marvel Comics
Primeira aparición Captain America Comics #1 (marzo de 1940)[1]
Creadores Joe Simon, Jack Kirby
Biografía ficticia
Nome completo Steven Grant Jones
Orixe Nova York
Equipos Avengers, Invaders, All-Winners Squad, Secret Defenders, S.H.I.E.L.D.
Compañeiros Bucky
Falcon
Nomad<Rick Jones
Free Spirit
Jack Flag
Demolition Man
Sharon Carter
Outros alias Nomad
Habilidades e poderes Non ten poderes especiais alén da superforza, superaxilidade e superintelixencia que lle dera o soro do supersoldado americano (fórmula perdida). Válese dun escudo indestrutible como arma.

Captain America (en galego, Capitán América) é un personaxe de cómic creado en setembro de 1940 por Joe Simon, Jack Kirby e Martin Goodman para a revista Timely. Sendo os tres xudeus, pensaron na creación dun superheroe que combatese a Adolf Hitler no bando dos aliados (os EUA aínda non entraran na contenda).

Primeira época[editar | editar a fonte]

No nº1 de Captain America Comics, aparecían tamén o seu compañeiro Bucky e o malvado Cranio Vermello. Ese primeiro número saíu á venda o 20 de decembro de 1940. A boa acollida do público fixo que Kirby e Simon contrataran outro guionista: Stanley Martin Lieber, quen co tempo sería o inspirador e verdadeira álma máter do Universo Marvel. O derradeiro número desta saga apareceu en 1950 (era o número 75).

A mediados dos anos 50, aparecerían tres números máis de Captain America Comics (do nº76 ó nº78).

Na Era Marvel dos cómics[editar | editar a fonte]

A principios dos 60, o dúo Stan Lee e Jack Kirby comezaron a Era Marvel dos cómics coas aventuras dos 4 fantásticos. Aproveitaron para volver a lanzar os éxitos da idade de ouro da revista Timely: Namor, a Tea Humana e por suposto o Capitán América. No Strange Tales nº114 (1963), un dos compoñentes dos 4 fantásticos atópase de súpeto co Capitán América, pero este en realidade é o Acróbata, que se disfraza do Capitán para cometer crimes.

O verdadeiro Capitán América volvería definitivamente ós quioscos no número 4 USA dos Vingadores (novembro de 1964). Kirby e Lee decidiron darlle unha colección propia dentro dos Tales of Suspense. Nesa colección de historias curtas, compartía aventuras co Home de Ferro.

Notas e referencias[editar | editar a fonte]