César Millán
Na Galipedia, a Wikipedia en galego.
César Millán, nado en Culiacán, Sinaloa, México o 27 de agosto de 1969, é un adestrador de cans, presentador de televisión e actor de orixe mexicana e nacionalizado estadounidense.
Traxectoria[editar]
César Millán abriu unha clínica veterinaria especializada no adestramento e na rehabilitación de cans con problemas de comportamento a mediados dos anos 90. Dedícase á rehabilitación de razas que teñen historiais de risco, como os pit bull ou os rottweilers. É o presentador dun programa de televisión, El encantador de perros, na versión hispana do National Geographic Channel. Tamén é o co-autor do libro El camino de César que axuda a entender e tratar algúns problemas caninos.
