Biocenose
A biocenose (tamén coñecida coma comunidade biótica ou ecolóxica) é o conxunto de organismos que coexisten nun espazo definido (biótopo) que ofrece as condicións necesarias para a súa supervivencia. O termo biocenose foi acuñado en 1877 por Karl Möbius, quen subliñaba así a necesidade de enfocar a atención non só cara o individuo, senón ao conxunto de individuos.
A biocenose pode dividirse, segundo a clase de organismos que a forman, en fitocenose (organismos vexetais) e zoocenose (organismos animais). O conxunto formado pola biocenose e o biótopo coñécese como ecosistema. En agricultura, o campo de cultivo e mais o seu medio ambiente inmediato reciben o nome de agrobiocenose.
[editar] Interaccións entre especies
As relacións entre os individuos que conforman unha biocenose clasifícanse en dous grupos:
- Relacións intraespecíficas: son as que teñen lugar entre individuos da mesma especie.
- Relacións interespecíficas: son as que se dan entre individuos de especies diferentes.
