Avión, Avión

Avión
Vista de Avión
Concello	Avión
Área	- km²
Poboación	(Ano 2010) 705 hab.
Densidade	- hab./km²
Entidades de poboación	4

San Xusto e Pastor de Avión é unha parroquia do concello de Avión, na provincia de Ourense.

Poboación

Esta parroquia, por ser a capital do concello, apenas perdeu veciños. No 2000 (INE) vivían 721 veciños (389 mulleres e 332 homes). Hoxe esa cifra descendeu moi lixeiramente, ata os 705 (364 mulleres e 341 homes) residentes.

Período	Variación poboacional	Variación poboacional (%)	Variación pob. media/ano (%)
2000-2005	-19	-2,64%	-0,53%
2005-2010	+3	+0,43%	+0,09%

O aumento poboacional sería maior se so contamos ata o 2009. Xa que os residentes da parroquia baixaron un 1,26% no 2009-2010.

Patrimonio

A igrexa parroquial ten a súa orixe a comezos do século XVII, rematándose a súa construción en 1742. A fachada é un retablo barroco realizada por canteiros da Terra de Montes, e ten outras dúas portadas fortemente moldeadas e con fornela superior, con figuras pétreas de Santo Antón co Neno e a Virxe e o seu fillo. A cabeceira, moi anterior a 1742, ten bóveda de nervios góticos con claves historiadas policromadas. Na central figuran os santos Xusto e Pastor, con caretas alusivas aos principios centrais da fe.

A arquitectura da torre do templo, con carátulas angulares na balaustra inferior, é similar á das igrexas de Carballeda e Beiro, posiblemente porque foron ordeadas facer pola mesma persoa, o conde de Ribadavia.

A igrexa ten columnas salomónicas angulares, algo que malia ser un exemplo moi característico do barroco, non é común nos exteriores das igrexas do barroco galego.

Lugares e parroquias

Lugares de Avión

Lugares da parroquia de Avión no concello de Avión (Ourense)
Beresmo | Cernadas | San Vicenzo | San Xusto

Véxase tamén

Outros artigos

• Lugares de Avión