Arranxo de subgraves
Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
Coñécese como arranxo de subgraves a unha colocación determinada de caixas acústicas de subgraves, que dependerá da acústica que se queira conseguir e das necesidades que se pretendan cubrir.
Características[editar | editar a fonte]
Os subgraves cobren a parte máis baixa do espectro sonoro e, polo tanto, a súa onda sonora será de maior distancia. O que se pretende cos arranxos de subgraves é cubrir as frecuencias máis baixas do sistema de P.A nun directo sen chegar a formar bolas de graves ou unha presión sonora demasiado elevada. Á súa vez pretenderase cubrir na súa totalidade a parte da audiencia coa menor diferenza de nivel de presión sonora entre zonas. Para iso deberase ter en conta a acústica da sala, así como as especificacións técnicas dos diferentes tipos de caixas de graves. É fundamental medir a resposta en frecuencia e a fase do arranxo cun medidor RTA.
A colocación das caixas acústicas depende en gran parte das características do espazo ou recinto, do peso, das posibilidades etc. Pero as máis utilizadas adoitan ser stackeadas, é dicir unha encima doutra; voadas ou colgándoas dalgunha estrutura e en liña, é dicir, unha á beira doutra e así sucesivamente. Dependendo da colocación das caixas poderase distinguir entre diferentes arranxos:
Caixa única[editar | editar a fonte]
Este arranxo é o máis básico, consistindo simplemente nunha única caixa no centro que, dependendo das súas características, normalmente omnidirecionais, irradiará cun diagrama polar omnidireccional arredor de todo o seu eixo.
Configuración L/R[editar | editar a fonte]
Consiste nun subgrave cubrindo a zona esquerda e outro a dereita. O inconveniente deste arranxo aparece cando a zona que se pretende cubrir é demasiado extensa e as caixas non dan cuberto toda a zona da audiencia, polo que se apreciará unha ausencia de sinal.
Arranxo cardioide[editar | editar a fonte]
Con esta disposición de caixas pretendemos facer que a suma entre os seus patróns polares irradie o máis directivamente posible cara á zona da audiencia. Dado que a maioría de subgraves son omnidirecionais, é aconsellable utilizar algún tipo de arranxo para manexar adecuadamente o nivel de SPL segundo a necesidade que se teña. Existen diferentes disposicións de caixas que permiten resolver un arranxo deste tipo.
Arranxo en liña[editar | editar a fonte]
Consiste en aliñar horizontalmente un número de subgraves para alcanzar unha suma total entre eles. A distancia á que estes están separados dependerá da frecuencia á que se sumen sinais. Esta disposición de subgraves pode causar varios inconvenientes, por exemplo unha cobertura estreita.
Arco de subgraves[editar | editar a fonte]
Este arranxo pode facerse de varias formas. A electrónica, onde se aplicará unha serie de delays a un arranxo en liña para simular un arco, ou o arco de subgraves físico, onde moveremos as caixas engadindo así un delay físico. Esta configuración de subgraves é cada día máis utilizada, posto que permite unha maior igualdade da cobertura, así como a menor diferenza entre campo afastado e campo próximo.
Véxase tamén[editar | editar a fonte]
Ligazóns externas[editar | editar a fonte]
- http://www.ispmusica.com/audio-directo/didactica-directo-audio/1943-arreglos-de-subgraves.html
- https://web.archive.org/web/20160305105427/http://www.dasaudio.com/soporte/articulos-tecnicos/ajuste-de-subgraves-cardioides/
- http://marcomonterofer.blogspot.com.es/2012/02/arreglos-de-subgraves.html
- https://web.archive.org/web/20160305021101/http://educasound.com/sub-cardioide-end-fired/