AprizeSat
AprizeSat, coñecidos en primeiro lugar como LatinSat, é unha constelación de satélites de comunicacións en órbita baixa terrestre planificada para proporcionar un sistema de transmisión global e ofrecer servizos de monitorización e seguimento.[1][2]
Características[editar | editar a fonte]
Cada satélite ten unha masa duns 12 kg e usa a técnica de almacenamento e descarga pola que unha estación envía datos ao satélite, que os almacena para despois envialos a outra estación durante o seu traxecto orbital. Teñen forma de cubo e a alimentación eléctrica é proporcionada por células solares que cubren algunhas das súas caras.[1][2]
AprizeSat 3 a 10 levaban a bordo un receptor AIS (Automatic Identification System, Sistema de Identificación Automático) para recoller a posición de buques no mar. AprizeSat 3 e 4 son agora propiedade de e operados por SpaceQuest para COM DEV/exactEarth, mentres que AprizeSat 5, 6 e 7 foron transferidos a exactEarth despois dun período de 90 días de probas e son coñecidos agora como exactView 5, 6 e 5R. AprizeSat 8 é propiedade de SpaceQuest pero pode ser transferido a exactEarth no futuro. Tódolos AprizeSat en órbita foron lanzados mediante foguetes Dnepr.[1][2]
Historial de lanzamentos[editar | editar a fonte]
| Misión[1][2] | Data de lanzamento[1][2] | Foguete lanzador[1][2] | Notas[1][2] |
|---|---|---|---|
| LatinSat A | 20 de decembro de 2002 | Dnepr | Éxito |
| LatinSat B | 20 de decembro de 2002 | Dnepr | Éxito |
| AprizeSat 1 | 29 de xuño de 2004 | Dnepr | Éxito |
| AprizeSat 2 | 29 de xuño de 2004 | Dnepr | Éxito |
| AprizeSat 3 | 29 de xullo de 2009 | Dnepr | Éxito |
| AprizeSat 4 | 29 de xullo de 2009 | Dnepr | Éxito |
| AprizeSat 5 | 17 de agosto de 2011 | Dnepr | Éxito |
| AprizeSat 6 | 17 de agosto de 2011 | Dnepr | Éxito |
| AprizeSat 7 | 21 de novembro de 2013 | Dnepr | Éxito |
| AprizeSat 8 | 21 de novembro de 2013 | Dnepr | Éxito |
| AprizeSat 9 | 19 de xuño de 2014 | Dnepr | Éxito |
| AprizeSat 10 | 19 de xuño de 2014 | Dnepr | Éxito |
Notas[editar | editar a fonte]
- ↑ 1,0 1,1 1,2 1,3 1,4 1,5 1,6 Mark Wade (2022). "AprizeSat" (en inglés). Consultado o 30 de xullo de 2022.
- ↑ 2,0 2,1 2,2 2,3 2,4 2,5 2,6 Gunter Dirk Krebs (2022). Gunter's Space Page, ed. "LatinSat A, B, C, D / AprizeSat 1, ..., 10 / exactView 3, 4, 5, 5R, 6, 11, 12, 13" (en inglés). Consultado o 30 de xullo de 2022.