Antonio Neira Otero
| Biografía | |
|---|---|
| Nacemento | 1911  Vilagarcía de Arousa, España |
| Morte | 9 de xuño de 1997 (85/86 anos) Vilagarcía de Arousa, España |
| Datos persoais | |
| País de nacionalidade | España |
| Actividade | |
| Ocupación | dependente , sindicalista |
Antonio Neira Otero, nado en Vilagarcía de Arousa en 1911 e finado no mesmo concello o 9 de xuño de 1997,[1] foi un político galego.
Traxectoria[editar | editar a fonte]
Dependente de comercio. Membro da UGT e afiliado á Agrupación Socialista de Vilagarcía de Arousa. Logo do golpe de Estado do 18 de xullo de 1936 participou na resistencia de Vilagarcía. Foi detido o 17 de setembro e enviado á prisión da Illa de San Simón. Xulgado en consello de guerra por rebelión militar o 1 de abril de 1937, foi condenado a 30 anos de reclusión. O 15 de xuño de 1938 foi enviado á prisión do Fuerte de San Cristóbal de Pamplona, de onde saíu en prisión atenuada o 2 de setembro de 1940.
Vida persoal[editar | editar a fonte]
Casou con Francisca Ruperta Rietz Vázquez, filla de Robert Rietz Sieman, e foi pai de Roberto, Juan Antonio e Alejandrina Neira Rietz.[2]
Notas[editar | editar a fonte]
- ↑ Necrolóxica en La Voz de Galicia, 10-6-1997, p. 46.
- ↑ "La familia Rietz". Arquivado dende o orixinal o 27 de maio de 2020. Consultado o 03 de xaneiro de 2020.
Véxase tamén[editar | editar a fonte]
Ligazóns externas[editar | editar a fonte]
- Antonio Neira Otero na páxina web Nomes e Voces.
