Anomalisa

Anomalisa
Logo do filme.
Ficha técnica
Título orixinal	Anomalisa
Director	Charlie Kaufman Duke Johnson
Produtor	Rosa Tran Duke Johnson Charlie Kaufman Dino Stamatopoulos
Guión	Charlie Kaufman
Baseado en	Anomalisa de Charlie Kaufman
Intérpretes	David Thewlis Jennifer Jason Leigh Tom Noonan
Música	Carter Burwell
Fotografía	Joe Passarelli
Montaxe	Garret Elkins
Estudio	Paramount Animation Starburns Industries
Distribuidora	Paramount Pictures
Estrea	Telluride: 4 de setembro de 2015 30 de decembro de 2015
Duración	90 minutos
Orixe	Estados Unidos
Xénero	Comedia e drama psicolóxico
Orzamento	8 millóns de dólares
Recadación	5,7 millóns de dólares
Na rede
http://www.anomalisa.com/

Anomalisa é un filme estadounidense de 2015 escrito e dirixido por Charlie Kaufman, quen dirixiu xunto con Duke Johnson. Baséase na obra homónima de Kaufman de 2005 que fixo baixo o alcume Francis Fregoli, o cal é unha exploración da síndrome de Fregoli. Anomalisa conta a historia dun experto de atención ao cliente, Michael Stone (voz de David Thewlis), que percibe a todas as demais persoas (Tom Noonan) como idénticas, agás Lisa Hesselman (Jennifer Jason Leigh), a quen coñece nun hotel de Cincinnati.

Anomalisa estreouse no Festival de Cinema de Telluride o 4 de setembro de 2015, e estreouse nos cinemas dos Estados Unidos o 30 de decembro a través de Paramount Pictures. O filme recibiu a aclamación da crítica, con eloxios polo seu guión, dirección e contido temático. Foi nomeado ao Óscar ó mellor filme de animación na 88ª edición dos premios, sendo o primeiro filme cunha clasificación para maiores de idade en ser nomeado nesta categoría. Tamén foi nomeado nos Globos de Ouro. Gañou o Premio do Xurado na 72ª edición do Festival Internacional de Cinema de Venecia, sendo o primeiro filme animado en conseguilo.

Personaxes

• David Thewlis como Michael Stone, un home de mediana idade e acento británico e un experto en atención ao cliente cunha actitude maioritariamente negativa. Para el, todas as persoas parecen e soan igual agás Lisa, a quen el percibe como diferente.
• Jennifer Jason Leigh como Lisa Hesselman, unha muller doce pero insegura que está no hotel para asistir á charla de Michael sobre atención ao cliente.
• Tom Noonan como todos os demais.