Ana Cela Trulock
| Biografía | |
|---|---|
| Nacemento | 1 de decembro de 1928  Madrid, España |
| Morte | 4 de xaneiro de 2018 (89 anos) |
| Datos persoais | |
| País de nacionalidade | España |
| Educación | Universidade Complutense de Madrid |
| Actividade | |
| Ocupación | tradutora , profesora |
| Familia | |
| Pais | Camilo Crisanto Cela Fernández e Camila Manuela Trulock Bertorini |
| Irmáns | Camilo José Cela |
Ana Cela Trulock, nada en Madrid o 1 de decembro de 1928 e finada o 4 de xaneiro de 2018, foi unha profesora e tradutora española.
Traxectoria[editar | editar a fonte]
Filla de Camilo Crisanto Cela y Fernández e de Camila Emanuela Trulock Bertorini, foi a quinta de nove irmáns, entre eles o escritor Camilo José Cela.
Licenciouse en Filoloxía Románica na Facultade de Filosofía e Letras da Universidade Complutense de Madrid. Formou parte do Teatro Español Universitario. Seguiu un seminario de literatura francesa na Sorbona, e foi colaboradora do Seminario de lingüística da Real Academia Española, participando na realización do Diccionario Histórico del Español.
Foi profesora de lingua e literatura castelá en diversos centros de Madrid e Bélxica. Foi bolseira da Universidade Católica de Lovaina, onde participou no seminario de Literatura do Século XX e Cristianismo, dirixido por Charles Moeller. Foi codirectora do Centre Universitarie de dita universidade.
Traduciu do francés máis de vinte e cinco libros de diversos xéneros, sobre todo novela. Obtivo un accésit do Premio Fray Luis de León de tradución.
Practicou o baloncesto, balonmán e voleibol.
Véxase tamén[editar | editar a fonte]
Ligazóns externas[editar | editar a fonte]
- "Obituario: fallece a los 89 años Ana Cela Trulock, hermana del Nobel gallego", obituario de Luís López Pombo en El Progreso, 10 de xaneiro de 2018 (en castelán).