Accursio

O sarcófago de Accursio e do seu fillo Francesco d'Accorso en Boloña

Accursio (en italiano Accorso ou mesmo Accorso di Bagnolo; c. 1182 – 1263) foi un xurista italiano. É notábel pola súa organización das glosas, comentarios medievais sobre as codificacións do dereito de Xustiniano, o Corpus Iuris Civilis.

Recompilou preto de 100.000 glosas, ao texto completo do Corpus iuris civilis, chamada a Glosa ordinaria ou magistralis ou Magna glosa, fundamento do dereito europeo.

Foi pai do tamén xurista Francesco d'Accorso, quen ademais é personaxe da Divina Comedia de Dante.