Zona Sur (filme)

Zona Sur
Ficha técnica
Título orixinal	Zona Sur
Director	Juan Carlos Valdivia
Produtor	Gabriela Maire Ximena Valdivia
Guión	Juan Carlos Valdivia
Intérpretes	Ninón del Castillo Pascual Loayza Nicolás Fernández Juan Carlos Koria
Música	Cergio Prudencio
Fotografía	Paul de Lumen
Estudio	Cinenómada
Estrea	2009
Duración	109 minutos
Orixe	Bolivia
Xénero	Drama
Na rede

Zona Sur é un filme boliviano de 2009 dirixido por Juan Carlos Valdivia. Foi filmada na zona sur dos barrios de Calacoto e La Florida, da cidade da Paz, en Bolivia. Foi escollido como candidato de Bolivia para o Óscar ó mellor filme en lingua non inglesa na 82ª edición dos premios, mais finalmente non foi nomeado.

Sinopse

Conta a situación dunha familia de clase alta e como esta lida cos conflitos internos, así como coa súa relación cos seus empregados, que son de orixe indíxena. A historia trata sobre a vida dunha nai de familia divorciada con tres fillos a quen cría pola súa conta. Na súa casa conviven cos seus empregados de raíces aimarás.

Recoñecementos

O filme participou en varios festivais internacionais como o de Huelva en España, o do Novo Cinema Latinoamericano da Habana, o Festival Internacional de Cinema de Toquio e o Festival de Cinema de Sundance de 2010, obtendo neste último os premios a mellor dirección e mellor guión na categoría internacional.

Véxase tamén

Outros artigos

• Filmes de Bolivia propostos ó Óscar ó mellor filme internacional
• Filmes propostos ó mellor filme internacional na 82ª edición dos Óscar

Ligazóns externas

• Zona Sur na IMDb (en inglés).