Years and Years (serie de televisión)
| Years and Years | |
|---|---|
 | |
| Formato | Serie de televisión |
| Creado por | Russell T Davies |
| Dirixido por | Simon Cellan Jones Lisa Mulcahy |
| Intérpretes | |
| País de orixe | Reino Unido |
| Lingua(s) | Inglés |
| Temporadas | 1 |
| Episodios | 6 |
| Produción | |
| Produtor(es) executivo(s) |
|
| Localización(s) | Manchester |
| Duración | 45 minutos (aprox.) |
| Emisión orixinal | |
| Canle de orixe | BBC One e HBO |
| Primeiro episodio | 14 de maio de 2019 |
| Derradeiro episodio | 18 de xuño de 2019 |
| Na rede | |
       | |
| [ editar datos en Wikidata ] | |
Years and Years é unha serie de televisión británica producida conxuntamente entre a BBC e HBO. Comezou a emitirse no Reino Unido pola canle BBC One o 14 de maio de 2019[1][2] e en HBO o 24 de xuño de 2019.[3]
A serie foi creada e escrita por Russell T Davies,[1] e está protagonizada por Emma Thompson como Vivienne Rook, unha empresaria convertida en política que divide o país coas súas opinións controvertidas,[4] xunto con Rory Kinnear, Russell Tovey, Jessica Hynes, Ruth Madeley e Anne Reid,[4] como os membros da familia Lyons.
Sinopse
[editar | editar a fonte]Os Lyons son unha familia británica que vive en Manchester. Daniel está casado con Ralph, Stephen e Celeste preocúpanse polas súas fillas, Rosie busca unha nova parella e Edith está comprometida cunha causa humanitaria detrás doutra. A matriarca da familia é Muriel, a súa avoa. As vidas de todos eles converxen nunha crucial noite de 2019, e a trama avanza no futuro, seguindo as vidas e os romances dos Lyons ao longo de 15 anos nos que o Reino Unido é sacudido por axitados cambios políticos, inestabilidade económica e grandes avances tecnolóxicos.[5]
Elenco
[editar | editar a fonte]Principal
[editar | editar a fonte]- Russell Tovey como Daniel Lyons, empregado do concello de Manchester. Irmán de Rosie, Stephen e Edith.
- Rory Kinnear como Stephen Lyons, consultor financeiro. Vive en Londres coa súa muller, Celeste, e as súas fillas. Irmán máis vello de Edith, Rosie e Daniel.
- T'Nia Miller como Celeste Bisme-Lyons, contable e muller de Stephen.
- Ruth Madeley como Rosie Lyons, a irmá máis nova dos Lyons. Ten espiña bífida, é nai solteira e ten dous fillos, Lee e Lincoln. Traballa nun comedor escolar.
- Anne Reid como Muriel Deacon, a avoa dos irmáns Lyons.
- Jessica Hynes como Edith Lyons, irmá de Daniel, Stephen e Rosie. É activista política.
- Emma Thompson como Vivienne Rook MP, unha empresaria carismática que se fai política.
Recorrente
[editar | editar a fonte]- Dino Fetscher como Ralph Cousins, exmarido de Daniel. É mestre de educación primaria.
- Maxim Baldry como Viktor Goraya, un refuxiado ucraíno que establece unha relación con Daniel.
- Lydia West como Bethany Bisme-Lyons, filla máis vella de Stephen e Celeste.
- Jade Alleyne como Ruby Bisme-Lyons, filla máis nova de Stephen e Celeste.
- Sharon Duncan-Brewster como Fran Baxter, unha contacontos e activista amiga de Daniel. Acaba mantendo unha relación con Edith.
Notas
[editar | editar a fonte]- ↑ 1,0 1,1 "BBC – Get Obsessed – 2019 BBC Drama – Media Centre". www.bbc.co.uk. Arquivado dende o orixinal o 30 de maio de 2019. Consultado o 1 de xaneiro de 2019.
- ↑ "BBC One – Years and Years, Series 1, Episode 1". BBC. Consultado o 14 de maio de 2019.
- ↑ Poniewozik, James (23 de xuño de 2019). "Review: In 'Years and Years,' Things Fall Apart, Fast". The New York Times. ISSN 0362-4331. Consultado o 24 de xuño de 2019.
- ↑ 4,0 4,1 "BBC – Emma Thompson cast in Russell T Davies' BBC One drama Years and Years – Media Centre". www.bbc.co.uk. Consultado o 1 de xaneiro de 2019.
- ↑ Martin, Laura (1 de xaneiro de 2019). "Years & Years: Everything we know about the new Russell T Davies and Emma Thompson dystopian drama". inews.co.uk. Consultado o 1 de xaneiro de 2019.
Véxase tamén
[editar | editar a fonte]Ligazóns externas
[editar | editar a fonte]- Years and Years na IMDb (en inglés).
- Years and Years na páxina da BBC.
| Control de autoridades |
|
|---|
