Shabono
![](http://upload.wikimedia.org/wikipedia/commons/thumb/f/f4/%E7%92%B0%E5%BD%A2%E8%8D%89%E5%B1%8B%E7%B5%90%E6%A7%8B%E5%9C%96.png/250px-%E7%92%B0%E5%BD%A2%E8%8D%89%E5%B1%8B%E7%B5%90%E6%A7%8B%E5%9C%96.png)
Un shabono (tamén xapono, shapono ou yano) é unha cabana utilizada polo pobo yanomami,[1] un pobo indíxena que habita na selva amazónica do sur de Venezuela e o norte do Brasil.[2] Consiste nunha estrutura ou conxunto de estruturas que forman un anel circular que rodean un espazo central aberto.
Os shabono constitúen a estrutura única dun asentamento yanomami, que polo xeral se localizan preto dos claros dun río dentro da selva amazónica, tipicamente nos afluentes menores do río Negro e do río Branco. O espazo central do interior chámase heha e é onde se desenvolven as actividades comunitarias, podendo variar entre 20 a 50 metros de diámetro aproximadamente dependendo da poboación do asentamento.
Dada a debilidade dos materiais para resistir as condicións climáticas da selva amazónica, os shabono adoitan sucumbir perante a humidade e a chuvia, polo que adoitan ser queimados e reconstruídos cada certo tempo no mesmo lugar ou preto del.
Notas[editar | editar a fonte]
- ↑ Albert, Bruce. (13 de setembro de 2018). Yanomami. Povos Indígenas do Brasil.
- ↑ "The Yanomami". Survival International. Consultado o 29 de marzo de 2020.
Véxase tamén[editar | editar a fonte]
Bibliografía[editar | editar a fonte]
- Williams, Colleen (2014). Homes of the native Americans. Simon and Schuster. ISBN 1422288528.
- Harris, Roger Harris; Hutchison, Peter (2011). Amazonas. Alhena Media. p. 162. ISBN 9788492963553.