Waskemar

Na Galipedia, a Wikipedia en galego.
Saltar ata a navegación Saltar á procura
Localización de Waskemar dentro do concello de Ooststellingwerf
Muíño de vento de Waskemar

Waskemar é unha entidade de poboación no norte do concello de Ooststellingwerf na provincia neerlandesa de Frisia que contaba o ano 2019 con 840 habitantes[1].

Características[editar | editar a fonte]

No límite co concello de Opsterlân, sitúase na parte norte do concello, unha zona de fala frisoa[2] mentres o resto do termo municipal é de fala tradicional baixosaxoa.

O territorio estaba baixo a xurisdicción de De Haule e era unha zona rica en turba, propiedade dunhas poucas familias, unha delas a dos Lycklama á Nijeholt que obstentaron hereditariamente alcaldía de Ooststellingwerf entre 1647 e 1862. O lugar apareceu por primeira volta co nome neerlandés De Cruijmten (en frisón De Kromten) nun mapa de 1748. Posteriormente coñeceuse como Haulerwyk-Beneden. En 1954 recibiu o status de dorp [3] e o nome oficial neerlandés de Waskemeer, un topónimo que deriva dunha lagoa localizada a uns dous quilómetros ao oeste, Waskmar e xa no concello de Opsterlân, na que os gandeiros da zona ían lavar as ovellas.

Notas[editar | editar a fonte]

  1. Kerncijfers wijken en buurten 2019 Centraal Bureau voor de Statistiek
  2. Henk Bloemhoff e Jurjen van der Kooi (2008)Handboek Nedersaksische taal- en letterkunde. Van Gorcum, p. 176
  3. Dorp é nos Países Baixos o equivalente a unha parroquia rural en Galicia