Voo 611 de China Airlines

Na Galipedia, a Wikipedia en galego.
Voo 611 de China Airlines
Boeing 747-209B China Airlines B-1886, AMS Amsterdam (Schiphol), Netherlands PP1167244363.jpg
747-200 semellante ao do accidente
Resumo
Data  25 de maio de 2002
Causa  erro de mantemento
Lugar  estreito de Taiwán
Finados  225 (todos)
Aeronave
Tipo de aeronave Boeing 747-209B
Operador  China Airlines
Rexistro  B-18255
Pasaxeiros  206
Tripulación  19
Superviventes  0

O voo 611 de China Airlines era un voo regular de pasaxeiros entre o antigo Aeroporto Internacional Chiang Kai-shek (hoxe en día Aeroporto Internacional de Taiwán Taoyuan), en Taiwán, e o Aeroporto Internacional de Hong Kong. O 25 de maio de 2002 o Boeing 747-209B que operaba a ruta desintegrouse no aire debido a reparacións defectuosas, e estrelouse no estreito de Taiwán a 43 km ao nordés das illas Penghu, dous minutos despois da engalaxe. Morreron as 225 persoas que ían a bordo. A rotura no aire foi causada por unhas reparacións mal realizadas 22 anos antes. É o accidente con vítimas mortais máis recente dun Boeing 747 e o peor accidente ocorrido en Taiwán.