Voo 3054 de TAM Airlines

Na Galipedia, a Wikipedia en galego.
Saltar ata a navegación Saltar á procura
Voo 3054 de TAM Airlines
TAM Linhas Aéreas Flight 3054.jpg
Traballos no lugar do accidente
Resumo
Data  17 de xullo de 2007
Causa  erro do piloto
Lugar  São Paulo-Congonhas
Coordenadas  23°37′11″S 046°39′44″O / -23.61972, -46.66222Coordenadas: 23°37′11″S 046°39′44″O / -23.61972, -46.66222
Orixe  aeroporto de Porto Alegre
Destino  São Paulo-Congonhas
Finados  199
Feridos  13
Aeronave
Tipo de aeronave Airbus A320-233
Operador  TAM Airlines
Rexistro  PR-MBK
Pasaxeiros  180
Tripulación  7
Superviventes  0

O Voo 3054 de TAM Airlines era un servizo doméstico regular de pasaxeiros dende Porto Alegre ata São Paulo, Brasil. O día 17 de xullo de 2007 o Airbus A320-233, con rexistro PR-MBK, que operaba a ruta superou a pista 35L de São Paulo no medio dunha chuvia moderada e esnafrouse contra un almacén de TAM Express, pegado a unha gasolineira de Shell que estoupou como resultado do impacto.[1][2][3] Os 187 pasaxeiros e tripulantes a bordo do Airbus A320 morreron, xunto con 12 persoas en terra.[4][5] O accidente superou o voo 1907 de Gol Transportes Aéreos como peor accidente aéreo da historia de Suramérica, e é o segundo peor accidente dun avión da familia A320,[6] tras o atentado do voo 9268 de Metrojet, un A321-231 que se esnafrou en Exipto en outubro de 2015 con 224 mortes.

O accidente foi investigado polo Centro de Investigación e Prevención de Accidentes Aeronáuticos (CENIPA)), cun informe final publicado en setembro de 2009. O CENIPA concluíu que o accidente foi causado por erros cometidos polos pilotos durante a aterraxe en São Paulo.

Notas[editar | editar a fonte]