Voo 001 de Icelandic Airlines

Na Galipedia, a Wikipedia en galego.
Saltar ata a navegación Saltar á procura
Voo 001 de Icelandic Airlines
Loftleidir - Icelandic Airlines Douglas DC-8-63CF Haafke.jpg
Douglas DC-8 semellante ao do accidente
Resumo
Data  15 de novembro de 1978
Causa  voo controlado contra o terreo
causado por equipo do
aeroporto defectuoso xunto
con erros da tripulación e o ATC
Lugar  Katunayake, Sri Lanka
Orixe  aeroporto Rei Abdulaziz
Derradeira escala  aeroporto Bandaranaike
Destino  aeroporto internacional Juanda
Finados  183
Feridos  32
Aeronave
Tipo de aeronave Douglas DC-8-63CF
Operador  Icelandic Airlines
Rexistro  TF-FLA
Pasaxeiros  249
Tripulación  13
Superviventes  79

O voo 001 de Icelandic Airlines era un servizo chárter que se esnafrou o 15 de novembro de 1978 ao aproximarse á pista do aeroporto internacional Bandaranaike, en Colombo. O accidente do Douglas DC-8 que operaba a ruta matou 8 dos 13 tripulantes islandeses, os 5 tripulantes de reserva e 170 peregrinos musulmáns (principalmente indonesios), dun total de 262 pasaxeiros e tripulantes. O informe oficial das autoridades de Sri Lanka deu como causa probable do accidente un fallo da tripulación ao cumprir os procedementos de aproximación; porén, as autoridades estadounidenses e islandesas oficialmente dixeron que a culpa fora dos equipos defectuosos do aeroporto e de erros do control de tráfico aéreo. É de lonxe o peor accidente da historia da aviación islandesa e o segundo peor en Sri Lanka, despois do voo 138 de Martinair catro anos antes.

O voo saíu de Jeddah, en Arabia Saudita, en ruta cara a Surabaya, en Indonesia. Ía aterrar no aeroporto internacional de Colombo-Bandaranaike para repostar combustible e para rotar a tripulación. Na zona había tormentas e o vento cruzado era un problema.

Avión[editar | editar a fonte]

O avión involucrado no accidente era un DC-8 fretado pola aeroliña islandesa Loftleiðir e estaba alugado por Garuda Indonesian Airways para levar peregrinos indonesios á Meca durante o hajj.[1] O avión tiña o rexistro TF-FLA e estaba bautizado como Leifur Eiríksson.

Accidente[editar | editar a fonte]

O avión contactou coa Área de Control de Ratmalana ás 22:53 hora local e foi informado de que a pista en uso no aeroporto de Colombo era a 04. O avión solicitou a pista 22 e foi autorizado a unha aproximación ILS vectorizada por radar a esa pista. A Área de Control que estaba en contacto co avión descendeuno do nivel FL 330 ao 220 a unhas 90 millas do aeroporto. Ás 23:06 o avión foi pasado ao Control de Radar (CAK), que o instruíu para baixar ao nivel FL 20 para facer unha aproximación ILS á pista 22. A tripulación seguiu as instrucións e tamén se lle solicitou que informase cando establecese o localizador. Porén, a pesar de ter recibido a mesaxe, non se recibiu ningunha confirmación. O controlador continuou informando sobre a distancia e a altura do avión. O último aviso foi ás 23:27 cando o avión estaba a dúas millas da pista. A tripulación informou ter recibido a mensaxe e esa foi a última transmisión do aparello.[1]

Pouco despois desa última mensaxe o controlador de aproximación viu o avión voando moi baixo durante a aproximación e chamouno dúas veces avisándoo de que voaba baixo. Porén, a tripulación non recibiu estas mensaxes xa que o controlador de aproximación estaba usando a frecuencia de aproximación, mentres o avión aínda tiña sintonizada a frecuencia do controlador de radar. O controlador de aproximación viu como o avión desaparecía e xurdía unha bola de lume no lugar onde o perdera de vista. O avión esnafrouse nunha plantación de caucho e cocos a pouco máis dunha milla do limiar da pista 22.[1]

Notas[editar | editar a fonte]

  1. 1,0 1,1 1,2 "Informe do accidente" (PDF). Consultado o 2010-1-1.