Vingt Cinq (Vintecinco en galego) é a capital das illas Agalega, dúas illas do océano Índico, gobernadas pola República de Mauricio. Está situada na Illa Norte, preto dun pequeno aeródromo. Na cidade, hai unha escola primaria (Jacques Le Chartier Government School) e un hospital.[1] Crese que o nome, Vingt Cinq, fai referencia ao número de lategazos que os escravos da illa recibían como castigo.[2]
Vingt Cinq está situado ao norte de Mauricio, e ten unha poboación de 200 habitantes (2012). A xente da illa é na súa maioría de orixe francesa. Tamén viven na illa os descendentes dos primeiros escravos de África continental desde Madagascar ata Mauricio.
