Vincentas Sladkevičius

Vincentas Sladkevičius
	;
Biografía
Nacemento	20 de agosto de 1920 ; Žasliai, Lituania
Morte	28 de maio de 2000 (79 anos); Kaunas, Lituania
Lugar de sepultura	Kaunas
Roman Catholic Archbishop of Kaunas (en)
	10 de marzo de 1989 – 4 de maio de 1996 ; ← Juozapas Skvireckas (en) – Sigitas Tamkevicius (pt) → ; Diocese: Arquidiocese de Kaunas (pt)
Cardeal
	28 de xuño de 1988 –
Administrador apostólico
	15 de xullo de 1982 – ; Diocese: Roman Catholic Diocese of Kaišiadorys (en)
Bispo auxiliar
	14 de novembro de 1957 – ; Diocese: Roman Catholic Diocese of Kaišiadorys (en)
Bispo titular
	14 de novembro de 1957 – ; Diocese: Diocese de Abora (pt)
Datos persoais
Relixión	Igrexa católica
Educación	Universidade Vytautas Magnus (pt) ; Kaunas Jesuit Gymnasium (en)
Actividade
Ocupación	bispo católico (1957–), sacerdote católico (1944–)
Consagración	Teofil Matulionis
Descrito pola fonte	Biographical Dictionary of Central and Eastern Europe in the Twentieth Century (en)

Vincentas Sladkevičius, nado o 20 de agosto de 1920 en Žasliai e finado o 28 de maio de 2000 en Kaunas, foi un eclesiástico católico latino lituano, arcebispo de Kaunas entre 1989 e 1996, e cardeal dende 1988.

Traxectoria

Vincentas Sladkevičius naceu en Žasliai (Kaišiadorys) o 20 de agosto de 1920,^[1] sendo o menor dos cinco fillos que tiveron Mykolas Sladkevičius e a súa dona Uršule Kavaliauskaite (os outros foron Ona, Emilija, Jonas e Marija). Logo de estudar no seminario de Kaunas e na Facultade de Teoloxía da Universidade Vytautas Magnus, foi ordenado sacerdote o 25 de marzo de 1944.^[1] A continuación, exerceu o seu ministerio pastoral en Kaišiadorys até 1959, ademais de exercer de profesor e director de estudos no seminario de Kaunas.

O 14 de novembro de 1957 Sladkevičius foi nomeado bispo auxiliar sedi datus de Kaišiadorys e bispo titular de Abora.^[1] Recibiu a súa consagración episcopal no seguinte 25 de decembro de mans do bispo Teofilius Matulionis.^[1] Porén, o goberno comunista do seu país impediulle exercer o seu ministerio, e pasou a residir en Nemunėlio Radviliskis baixo virtual arresto domiciliario entre 1963 e 1982.^[1] En 1975 ingresou na Congregación dos Padres Marianos.^[1] O 15 de xullo de 1982 foi nomeado administrador apostólico ad nutum Sanctae sedis de Kaišiadorys,^[1] e converteuse en presidente da Conferencia Episcopal Lituana o 27 de abril de 1988.^[1]

O papa Xoán Paulo II creouno cardeal no consistorio do 28 de xuño de 1988, co título de cardeal-presbítero de Spirito Santo alla Ferratella.^[1] O mesmo papa nomeouno o 10 de marzo de 1989 arcebispo de Kaunas, permanecendo no cargo até a súa renuncia o 4 de maio de 1996.^[1]

En 1998 foi condecorado coa Orde de Vytautas o Grande. Finou en Kaunas o 28 de maio de 2000, e está enterrado na catedral local.^[1]

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Bräuer, Martin (2014). Handbuch der Kardinäle: 1846-2012. Walter de Gruyter. pp. 534–535. ISBN 9783110269475.