Vichyssoise

Na Galipedia, a Wikipedia en galego.
Vichyssoise servida fría en cunca.

A vichyssoise ([ˌˈvɪʃiˌˈswɑz],[1] comunmente mal pronuncia como [viːʃiːˈswɑː]) é unha sopa internacionalmente coñecida, e que é unha variante dunha receita tradicional da cociña francesa. Esta sopa é unha crema fría salgada elaborada con porro, cebola, pataca, leite e nata. Sérvese tipicamente fría[2] nunha cunca ou prato fondo.


A nacionalidade culinaria da vichyssoise discútese desde hai case un século, para determinar se esta innovación gastronómica é francesa ou estadounidense.[3] O crédito do descubrimento do prato atribúese a Louis Diat, un cociñeiro francés do Ritz-Carlton de Nova York durante a Primeira Guerra Mundial. Diat recordou os pasos da súa invención para o diario New Yorker en 1950:

No verán de 1917, cando levaba xa sete anos no Ritz, reflexionei sobre a sopa de porro e pataca da miña infancia, que miña nai e miña avoa acostumaban facer. Recordei como, durante o verán, meu irmán maior e eu arrefriámola vertendo nela leite frío, e o ben que sabía. Decidín facer algo deste tipo para os patróns do Ritz.”.[4]

O mesmo artigo explica que a sopa foi denominada nos seus comezos crème vichyssoise glacée, e posteriormente o menú do restaurante cambiouse do francés ao inglés no ano 1930, como cream vichyssoise glacée. Para dar á sopa un nome coñecido, Diat escolleu o da cidade de Vichy, que se encontra non moi lonxe do seu pobo natal, Montmarault.

Outros chefs franceses asígnanse o crédito da súa invención, como o chef Jules Gouffe, que di ter sido o primeiro en cociñala, publicando a súa receita no Royal Cookery (1869).

Notas[editar | editar a fonte]

  1. William Little, et al. (2002), Shorter Oxford English Dictionary
  2. Vichyssoise no site Gastronomias.com
  3. Recetas con historia
  4. Hellman, Geoffrey T. (1950). «Talk of the Town». The New Yorker (12/02).