Vicente Paz Infante
| Biografía | |
|---|---|
| Nacemento | 1896  (127/128 anos)O Vicedo, España |
| Datos persoais | |
| País de nacionalidade | España |
| Actividade | |
| Lingua | Lingua castelá |
Vicente Paz Infante, nado no concello de Riobarba (hoxe O Vicedo) en 1896 e finado en Buenos Aires en 1938, foi un sindicalista e dirixente societario galego na Arxentina.
Traxectoria[editar | editar a fonte]
Rebelouse contra a educación católica da familia que o educou no Seminario, e aos 18 anos emigrou a Cuba, onde foi secretario xeral do Sindicato da industria do café. Extraditado a España pola ditadura de Mario García Menocal, foi enviado a prisión. Despois exíliase no Uruguai e logo marcha á Arxentina. Afíliase á Sociedad Vivariense e ingresa na Federación de Sociedades Gallegas Agrarias y Culturales a través de Nueva Era de Vilanova. Fundou a sociedade Hijos de Riobarba, que dirixiu até a súa morte. Militou no Centro de Socialistas Españoles e no Centro Republicano Español. Socialista marxista, combateu as ideas nacionalistas aínda que admiraba a Suárez Picallo. Foi membro da xunta executiva da Federación en 1927 e 1928 e a finais dese ano foi elixido secretario xeral da Federación. Foi o principal protagonista da ruptura da Federación en 1929 e da creación da Federación de Sociedades Gallegas de Buenos Aires, de orientación socialista, onde participou no comité de prensa e colaborou en Acción Gallega. Foi tamén axente da fusión das dúas federacións en 1936. Morreu en Buenos Aires en 1938 con 42 anos. Foi amigo de José Cobelo e Alfredo Baltar, que continuaron o seu ideario.
Véxase tamén[editar | editar a fonte]
Bibliografía[editar | editar a fonte]
- Díaz, Hernán M. (2007). Fundación Sotelo Blanco-Biblos, ed. Historia de la Federación de Sociedades Gallegas. Buenos Aires. p. 238. ISBN 978-950-786-574-9.
Ligazóns externas[editar | editar a fonte]
- "Paz Infante, el emigrante de Riobarba que dirigió la Federación de Sociedades Gallegas" in La Voz de Galicia (Viveiro), 8-10-2017