Federación de Sociedades Gallegas de Buenos Aires

Federación de Sociedades Gallegas de Buenos Aires
Instancia de organización
Datas  Fundación / creación 1929  Disolución / destrución 1937
Cronoloxía  Sucedido por Federación de Sociedades Gallegas de la República Argentina
Localización  Sede Buenos Aires  País Arxentina
Wikidata

A Federación de Sociedades Gallegas de Buenos Aires foi unha agrupación constituída en 1929 por dezanove sociedades agrarias e culturais creadas polos galegos residentes en Buenos Aires.

Historia

Na Federación de Sociedades Gallegas Agrarias y Culturales produciouse un enfrontamento entre nacionalistas e non nacionalistas que provocou a ruptura da federación en 1929 e a creación da Federación de Sociedades Gallegas de Buenos Aires, de orientación socialista. Editaba o periódico Acción Gallega. Mantivo constantes enfrontamentos coa Federación de Sociedades Gallegas Agrarias y Culturales. O seu primeiro secretario xeral foi J. Torrado, a quen sucedeu Antonio Reino Caamaño, e entre os seus dirixentes figuraron Ángel Martínez Castro, Vicente Paz Infante, Benito González Iglesias, Cándido Otero, Miguel Navas e Maximino Misa Puga, que foi secretario xeral en 1931.

A partir de 1937 volveu unificarse coa Federación de Sociedades Gallegas Agrarias y Culturales para constituír a Federación de Sociedades Gallegas de la República Argentina.

Véxase tamén

Bibliografía

• Díaz, Hernán M. (2007). Historia de la Federación de Sociedades Gallegas. Buenos Aires: Fundación Sotelo Blanco-Biblos. pp. 51–60. ISBN 978-950-786-574-9.