Vampirella
Vampirella foi o título de dúas revistas especializadas en historietas de terror. Unha delas era estadounidense e outra española, que ao principio compartían moito do seu material. A versión estadounidense apareceu en 1969 editada por Warren Publishing. A versión española foi editada por Garbo a partir de 1974, formando parte do chamado boom do cómic adulto no Estado español. Contiña historietas do seu personaxe homónimo, amais doutras moitas.