Val d'Orcia

Na Galipedia, a Wikipedia en galego.
O Val d'Orcia co monte Amiata, visto desde La Foce, cara ao oeste.

O Val d'Orcia ou Valdorcia é un amplo val situado na provincia de Siena, na Toscana, na parte da rexión que limita coa Umbría. Situado na Italia central, esténdese desde os montes ao sur de Siena até o monte Amiata.

Polo medio do val transcorre o río Orcia. A árbore característica é o ciprés. Na gastronomía son particulares os picis e o queixo Pecorino di Pienza, e entre os viños atópase o Brunello di Montalcino e o Vino Nobile di Montepulciano.

Xeografía[editar | editar a fonte]

Caracterízase por ter outeiros suaves, terras cultivadas, ocasionalmente rotas por barrancos e poboacións como Pienza (reconstruída como unha «cidade ideal» no século XV baixo o mecenado do papa Pío II, Radicofani (casa do famoso heroe-bandido Ghino di Tacco) ou Montalcino.

Os concellos que forman parte do val son: Castiglione d'Orcia, Montalcino, Pienza, Radicofani e San Quirico d'Orcia. Outros centros importantes son Monticchiello, Bagno Vignoni, Montenero d'Orcia e Montegiovi.

Patrimonio da Humanidade[editar | editar a fonte]

Val d'Orcia
Paisaxe típica do Val d'Orcia, cerca de Pienza
Val d'Orcia en Italia
Val d'Orcia
Val d'Orcia
Patrimonio da Humanidade - UNESCO
PaísItalia Italia
Localización43°04′N 11°33′L / 43.067, -11.550
TipoCultural
CriteriosIV, VI
Inscrición2004 (28ª sesión)
Rexión da UNESCOEuropa e América do Norte
Identificador1026

O val é tamén un importante parque natural, artístico e cultural, e desde o 2 de xullo de 2004 está recoñecido como Patrimonio da Humanidade pola Unesco, por estes criterios:

  • Criterio (iv): O val d'Orcia é un reflexo excepcional da maneira na que a paisaxe foi re-escrita nos tempos renacentistas para reflectir os ideais do bo goberno e para crear unhas imaxes esteticamente atractivas.
  • Criterio (vi): A paisaxe do val d'Orcia foi celebrada polos pintores da escola sienesa, que floreceron durante o Renacemento. Imaxes do val d'Orcia, e particularmente representacións de paisaxes nos que as persoas están representadas vivindo en harmonía coa natureza, convertéronse en iconas do renacemento e influíron profundamente no desenvolvemento do pensamento paisaxístico.

Véxase tamén[editar | editar a fonte]

Ligazóns externas[editar | editar a fonte]