Usuario:Elisardojm/Pontevedrapedia

Benvidos á Wikipedia da cidade de Pontevedra[editar | editar a fonte]

Benvido, Bienvenido, Ongi etorri, Benvinguts, Welcome, Benvenuto, Bienvenue, Croeso,Bonvenon, Willkommen, خوش آمدید, स्वागत, Fàilte, Tervetuloa, Tere tulemast, Üdvözlet, Välkomna, Velkommen, Vítáme vás, Witamy, Καλώς Ορίσατε, Добро пожаловать, Salvē, ようこそ, 歡迎, 欢迎, 歓迎, 환영합니다, ยินดีต้อนรับ, Dobrodošli, أهلاً وسهلاً ,ברוך בואך, Вітаємо, Welkom, सुस्वागतम, Добре дојдовте, ਜੀ ਆਇਆਂ ਨੂੰ

Levar a toda unha cidade dentro de Wikipedia é algo novo e é un testamento para a xente progresista de Monmouth, todos os voluntarios e o equipo de Wikimedia UK. Espero ver a outros pobos e cidades facer a mesma cousa.

—Jimmy Wales, cofundador de Wikipedia.^[1]

A Pontevedrapedia é a Wikipedia da cidade de Pontevedra, e quere ser a primeira enciclopedia da cidade de Pontevedra, un proxecto para crear contidos libres e de calidade relacionados coa cidade: accidentes xeográficos, fitos históricos, persoeiros, sitios arqueolóxicos, museos, equipos deportivos, etc, todo o que houbo, pasou, hai e pasa na cidade.

A Pontevedrapedia usa códigos QRpedia, un tipo de código de barras que os teléfonos intelixentes poden ler a través da súa cámara e que abre o artigo de Wikipedia na súa lingua. Os códigos QR son moi útiles, xa que os carteis non teñen forma de amosar a mesma cantidade de información e nunha gran cantidade de linguas.

Os artigos teñen coordinadas, está xeolocalizados, para permitir unha visita virtual da cidade usando aplicacións móbiles de Wikipedia, ou a capa de Wikipedia en Google Streetview).

Quen fai a Pontevedrapedia?[editar | editar a fonte]

Todos os editores interesados en todo o relacionado coa cidade de Pontevedra, pero moi especialmente os seus veciños e os estudantes do concello, coa colaboración de tódalas administracións, asociacións, centros educativos e outras entidades vinculadas á cidade.

Para participar non son precisos grandes coñecementos de informática, o máis importante é o interese e a disposición de involucrarse na creación da primeira enciclopedia da cidade de Pontevedra. Ademais pode participarse de diferentes xeitos:

Suxerindo e creando artigos
Doando fotografías, novas e antigas
Recomendando fontes de referencia de calidade
Traducindo artigos a outras linguas
Aprendendo e ensinando habilidades

Posibilidades de uso[editar | editar a fonte]

A cantidade de información que as comunidades poden crear é inxente, só hai que facilitarlles os medios. Tódolos detalles arqueolóxicos do concello poden engadirse a artigos da Pontevedrapedia e as ligazóns entre eles fan que sexa máis doado entender o seu contexto e as súas interrelacións. A maiores, as posibilidades que ofrecen as ligazóns ás wikipedias noutras linguas, permiten a posibilidade de ofrecer toda esta información en gran cantidade de idiomas.