Unión Monetaria Escandinava
| Unión Monetaria Escandinava | |
|---|---|
 | |
| Tipo | Unión monetaria |
| Data de fundación | 1872 |
| Data de disolución | 1924 |
| País | Suecia, Dinamarca e Noruega |
| [ editar datos en Wikidata ] | |
A Unión Monetaria escandinava (en sueco Skandinaviska myntunionen, dinamarqués: Skandinaviske møntunion, noruegués: Skandinaviske myntunion) foi unha unión monetaria formada por Suecia e Dinamarca o 5 de maio de 1873 mediante a igualación das súas moedas fronte ao patrón ouro. Noruega, en unión con Suecia, pero con plena autonomía interna, entrou na Unión dous anos despois, en 1875 para fixar a súa moeda ao mesmo nivel que Dinamarca e Suecia.
A unión monetaria escandinava foi un dos poucos resultados tanxibles do movemento político escandinavo do século XIX.
Os países, sempre fixados aos tipos de cambio e á estabilidade en termos monetarios, seguiron editando as súas moedas por separado e estas incluso chegaron a ser de curso legal en todo o territorio da unión.
No momento da súa adhesión á Unión, a moeda sueca pasou de ser o Riksdaler Riksmynt á coroa sueca; a coroa dinamarquesa xa era o nome da moeda dinamarquesa e cando Noruega se uniu tamén empregaba xa a coroa norueguesa.
En 1905, a unión política entre Suecia e Noruega chegou a súa fin, mais isto non afectou á Unión monetaria; foi o estoupido da primeira guerra mundial en 1914 o que puxo fin á Unión.
Suecia abandonouna o 2 de agosto de 1914 e sen un tipo de cambio fixado a libre circulación chegou á súa fin.
Os tres países seguen utilizando actualmente as mesmas moedas que durante a unión monetaria, mais perderon a súa paridade un a un.
A Coroa islandesa é un derivado da coroa dinamarquesa, establecida despois de que Islandia se declarara reino independente na unión con Dinamarca en 1918; máis tarde, en 1944, Islandia cortou os lazos completamente con Dinamarca pasando a ser unha república.
Véxase tamén
[editar | editar a fonte]Outros artigos
[editar | editar a fonte]- Coroa sueca
- Coroa dinamarquesa
- Coroa norueguesa
- Real Casa da Moeda de Dinamarca
- Real Casa da Moeda de Noruega
- Unión Monetaria Latina
- Unión Numismática Nórdica