Ubik
Ubik | |
---|---|
Autor/a | Philip K. Dick |
Orixe | Estados Unidos de América |
Lingua | inglés estadounidense |
Xénero(s) | ciencia ficción e futuristic fiction |
Editorial | Doubleday |
Data de pub. | 1969 |
Primeira edición galega | |
Editorial | Boadicea Editora |
Data de pub. | 2022 |
[ editar datos en Wikidata ] |
Ubik é unha novela de ciencia ficción do escritor estadounidense Philip K. Dick, publicada orixinalmente en 1969. A historia sitúase nun futuro 1992 no que os poderes psíquicos son empregados para a espionaxe industrial, namentres a tecnoloxía crioxénica permite manter ás persoas recentemente falecidas nun estado de hibernación. O protagonista, Joe Chip, traballa como técnico dunha axencia psíquica cando comeza a vivir estrañas alteracións da realidade que poden ser revertidas temporalmente por unha misteriosa substancia chamada Ubik. A obra desenvolve personaxes e conceptos xa aparecidos noutra novela curta do mesmo autor, What the Dead Men Say (1964).
Ubik é unha das novelas máis célebres de Philip K. Dick. En 2009, foi escollida pola revista Time como unha das cen mellores novelas dende 1923. Na súa análise, o crítico Lev Grossman describiuna como "unha historia de horror existencial fondamente perturbadora, un pesadelo do que nunca estas certo de acordar".[1] Foi publicada en galego en 2022 por Boadicea Editora.[2]
Notas
[editar | editar a fonte]Véxase tamén
[editar | editar a fonte]- Grossman, Lev (2009). "Ubik (1969)". Time Magazine. Arquivado dende o orixinal o 2 de maio de 2009.
- Mato, Mar (2022). "Nace Boadicea, a nova editorial galega para libros de ciencia ficción e fantasía". Faro de Vigo.