Túrdidos

Turdidae

Turdus migratorius

Reino:	Animalia
Filo:	Chordata
Clase:	Aves
Orde:	Passeriformes
Suborde:	Passeri
Familia:	Turdidae Rafinesque, 1815

Xéneros

Uns 20, ver texto

Os túrdidos (Turdidae) son unha familia de aves paseriformes que viven en todo o mundo, xeralmente chamados tordos e merlos.

Características

Os túrdidos son aves de mediano a pequeno tamaño e suave plumaxe que habitan en áreas boscosas, que se alimentan a miúdo no chan. Os túrdidos máis pequenos pesan uns 21 g e miden 14,5 cm. Porén, os Brachypteryx, que teñen alianzas ambiguas tanto cos tordos coma cos muscicápidos, poden ser aínda máis pequenos, algúns de 12 cm. O maior dos tordos é o Myophonus caeruleus de 178 g e 33 cm. O Turdus fuscater é de lonxitude similar, pero menos pesado.^[1] A maioría das especies son de cor gris ou marrón, frecuentemente con pintas na parte ventral.

Son insectívoros, pero a maioría das especies tamén comen vermes, caracois terrestres e froita. Moitas especies son residentes permanentes en climas cálidos, mentres que outros migran a latitudes máis altas durante o verán, a miúdo cubrindo distancias considerables.^[2]

Os túrdidos constrúen niños con forma de copa, ás veces estrados con lama. Poñen de 2 a 5 ovos con pintas, e ás veces fan dúas ou máis postas ao ano. Ambos os pais axudan na crianza dos pitiños.^[2]

O canto dalgunhas especies, como as dos xéneros Catharus, Myadestes, Sialia e Turdus, considéranse uns dos máis bonitos de todas as aves.^[3]^[4]

Ecoloxía

Se ben moitos son insectívoros, algunhas especies de túrdidos facilitan á dispersión das sementes de moitas especies de plantas e contribúen á recuperación dos ecosistemas. As plantas teñen unha capacidade de dispersión das sementes lonxe da planta parental e consecuentemente dependen moito de diversos vectores de dispersión que transporten os seus propágulos, incluíndo tanto vectores abióticos coma bióticos. Moitos morcegos e aves teñen dietas baseadas nas froitas, incluíndo aves das familias Cotingidae, Columbidae, Trogonidae, Turdidae e Ramphastidae. Comen os froitos tragando as súas sementes e despois regurxítanas ou elimínanas coas feces. Esta ornitocoria foi o mecanismo principal de dispersión a través das barreiras oceánicas. Outras sementes ou esporas poden adherirse aos pés ou plumas das aves. Os túrdidos teñen unha grande importancia ecolóxica porque algunhas poboacións migran a longas distancias e dispersan as sementes.

Taxonomía

A familia Turdidae foi proposta (como Turdinia) polo erudito francés Constantine Samuel Rafinesque en 1815.^[5]^[6] O tratamento taxonómico desta gran familia variou significativamente nos últimos anos. Tradicionalmente, os Turdidae incluían pequenas especies do Vello Mundo, como os reiseñores e paporrubios na subfamilia Saxicolinae, pero agora a maioría das autoridades clasifican estes na familia dos muscicápidos.

A familia antes incluía numerosas especies. No momento en que se publicou en 2003 a Howard and Moore Complete Checklist of the Birds of the World, os xéneros Myophonus, Alethe, Brachypteryx e Monticola estaban incluídos en Turdidae.^[7] Posteriormente, os estudos de filoxenética molecular indicaron que as especies destes catro xéneros estaban máis relacionadas con especies da familia Muscicapidae.^[8]^[9] En consecuencia, estes catro xéenros agora están clasificados como Muscicapidae.^[10]^[11] Ao contrario, o xénero Cochoa, que previamente fora situado en Muscicapidae, agora foi pasado a Turdidae.^[8]^[9]

Xéneros

FAMILIA: TURDIDAE

Xénero Neocossyphus, relacionado con Myadestes
Xénero Geokichla: (21 especies)
Xénero Zoothera (unhas 15 especies, unha extinguida recentemente)
Xénero Ixoreus, relacionado con outros xéneros do Novo Mundo
Xénero Ridgwayia, relacionado con Hylocichla
Xénero Cataponera
Xénero Grandala
Xénero Sialia (3 especies)
Xénero Myadestes (10 ou 11 especies vivas, 2 ou 3 extinguidas recentemente, inclúe o antigo xénero Phaeornis)
Xénero Cichlopsis, relacionado con Catharus
Xénero Catharus (12 especies)
Xénero Hylocichla
Xénero Entomodestes (2 especies), relacionado con Catharus
Xénero Turdus (unhas 65 especies, unha extinguida recentemente)
Xénero Cochoa (4 especies)
Xénero Chlamydochaera
Xénero Platycichla (2 especies), parte dun grupo suramericano dentro de Turdus
Xénero Nesocichla, parte dun grupo suramericano dentro de Turdus
Xénero Cichlherminia, xénero parafilético con Turdus
Xénero Psophocichla

Xéneros normalmente considerados membros dunha familia diferente e distantemente relacionados con Picathartes:

Xénero Chaetops (2 especies)

Para outras especies que antes estaban en Turdidae, ver Muscicapidae e Saxicolinae.

Notas

↑ Thrushes by Peter Clement. Princeton University Press (2001), ISBN 978-0-691-08852-5.
↑ ^2,0 ^2,1 Perrins, C. (1991). Forshaw, Joseph, ed. Encyclopaedia of Animals: Birds. London: Merehurst Press. pp. 186–187. ISBN 1-85391-186-0.
↑ "Beautiful wood thrushes.........". Houzz.
↑ "The Hermit Thrush in Minnesota".
↑ Rafinesque, Constantine Samuel (1815). Analyse de la nature ou, Tableau de l'univers et des corps organisés (en French). Palermo: Self-published. p. 67.
↑ Bock, Walter J. (1994). History and Nomenclature of Avian Family-Group Names. Bulletin of the American Museum of Natural History. Number 222. New York: American Museum of Natural History. pp. 151, 252.
↑ Dickinson, E.C., ed. (2003). The Howard and Moore Complete Checklist of the Birds of the World (3rd ed.). London: Christopher Helm. ISBN 978-0-7136-6536-9.
↑ ^8,0 ^8,1 Voelker, G.; Spellman, G.M. (2004). "Nuclear and mitochondrial DNA evidence of polyphyly in the avian superfamily Muscicapoidea". Molecular Phylogenetics and Evolution 30: 386–394. doi:10.1016/S1055-7903(03)00191-X.
↑ ^9,0 ^9,1 Sangster, G.; Alström, P.; Forsmark, E.; Olsson, U. (2010). "Multi-locus phylogenetic analysis of Old World chats and flycatchers reveals extensive paraphyly at family, subfamily and genus level (Aves: Muscicapidae)". Molecular Phylogenetics and Evolution 57 (1): 380–392. PMID 20656044. doi:10.1016/j.ympev.2010.07.008.
↑ Gill, Frank; Donsker, David, eds. (2016). "Chats, Old World flycatchers". World Bird List Version 6.2. International Ornithologists' Union. Consultado o 20 May 2016.
↑ Dickinson, E.C.; Christidis, L., eds. (2014). The Howard & Moore Complete Checklist of the Birds of the World. Volume 2, Passerines (4th ed.). Eastbourne, U.K.: Aves Press. ISBN 978-0-9568611-2-2.

Véxase tamén

Ligazóns externas

Vídeos de tordos en Internet Bird Collection
Galería de fotos de alta resolución dunhas 100 especies.

[1] Thrushes by Peter Clement. Princeton University Press (2001), ISBN 978-0-691-08852-5.

[EoB-2] 2,0 ^2,1 Perrins, C. (1991). Forshaw, Joseph, ed. Encyclopaedia of Animals: Birds. London: Merehurst Press. pp. 186–187. ISBN 1-85391-186-0.

[3] "Beautiful wood thrushes.........". Houzz.

[4] "The Hermit Thrush in Minnesota".

[5] Rafinesque, Constantine Samuel (1815). Analyse de la nature ou, Tableau de l'univers et des corps organisés (en French). Palermo: Self-published. p. 67.

[6] Bock, Walter J. (1994). History and Nomenclature of Avian Family-Group Names. Bulletin of the American Museum of Natural History. Number 222. New York: American Museum of Natural History. pp. 151, 252.

[h&m3-7] Dickinson, E.C., ed. (2003). The Howard and Moore Complete Checklist of the Birds of the World (3rd ed.). London: Christopher Helm. ISBN 978-0-7136-6536-9.

[voelker2004-8] 8,0 ^8,1 Voelker, G.; Spellman, G.M. (2004). "Nuclear and mitochondrial DNA evidence of polyphyly in the avian superfamily Muscicapoidea". Molecular Phylogenetics and Evolution 30: 386–394. doi:10.1016/S1055-7903(03)00191-X.

[sangster2010-9] 9,0 ^9,1 Sangster, G.; Alström, P.; Forsmark, E.; Olsson, U. (2010). "Multi-locus phylogenetic analysis of Old World chats and flycatchers reveals extensive paraphyly at family, subfamily and genus level (Aves: Muscicapidae)". Molecular Phylogenetics and Evolution 57 (1): 380–392. PMID 20656044. doi:10.1016/j.ympev.2010.07.008.

[ioc-10] Gill, Frank; Donsker, David, eds. (2016). "Chats, Old World flycatchers". World Bird List Version 6.2. International Ornithologists' Union. Consultado o 20 May 2016.

[h&m4-11] Dickinson, E.C.; Christidis, L., eds. (2014). The Howard & Moore Complete Checklist of the Birds of the World. Volume 2, Passerines (4th ed.). Eastbourne, U.K.: Aves Press. ISBN 978-0-9568611-2-2.

[1]

[2]

[3]

[4]

[5]

[6]

[7]

[8]

[9]

[10]

[11]