Tricociste

Na Galipedia, a Wikipedia en galego.
Saltar ata a navegación Saltar á procura
Paramecium tetraurelia, un ciliado, cos tricocistes descargados (coloreados artificialmente en azul).

Un tricociste[1][2] é un orgánulo que se encontra en ciliados[3][4] e dinoflaxelados.[5]

É unha estrutura no córtex de certos protozoos ciliados e flaxelados que consiste nunha cavidade e filamentos longos e delgados que poden ser exectados en resposta a certos estímulos. Os tricocistes poden estar amplamente distribuídos por todo o microorganismo ou en certas áreas restrinxidas (por exemplo, en tentáculos, papilas, arredos da boca). Hai varios tipos. Os tricocistes mucoides son inclusións alongadas que poden ser exectados como corpos visibles despois dunha estimulación artificial. Os tricocistes filamentosos en Paramecium e outros ciliados son descargados como filamentos compostos por un talo con estriacións cruzadas e unha punta. Os toxicistos (en Dileptus e certos protozoos carnívoros) tenden a estar localizados arredor da boca. Cando descarga un toxicisto, expulsa un longo filamento non estriado con extremo con forma de bastón, que paraliza ou mata outros microorgnismos; este filamento utilízase para capturar alimento e, presumiblemente, na defensa.

A importancia funcional doutros tricocistes non está clara, aínda que os de Paramecium aparentemente poden ser extrudidos para ancorarse ao substrato durante a alimentación.

Notas[editar | editar a fonte]

  1. Definicións no Dicionario da Real Academia Galega e no Portal das Palabras para tricociste.
  2. BUSCatermos tricociste
  3. Madeddu, L.; Gautier, M. C.; Vayssié, L.; Houari, A.; Sperling, L. (1995). "A large multigene family codes for the polypeptides of the crystalline trichocyst matrix in Paramecium". Molecular Biology of the Cell 6 (6): 649–659. PMC 301226. PMID 7579685. doi:10.1091/mbc.6.6.649. 
  4. Pease, D. C. (1947). "The structure of trichocysts revealed by the electron microscope". Journal of Cellular Physiology 29 (1): 91–94. PMID 20285925. doi:10.1002/jcp.1030290109. 
  5. Miller, J. J.; Delwiche, C. F.; Coats, D. W. (2011). "Ultrastructure of Amoebophrya sp. And its Changes during the Course of Infection". Protist 163: 720–745. PMID 22209083. doi:10.1016/j.protis.2011.11.007. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]


Este artigo tan só é un bosquexo
 Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.