Tribunal de Apelacións de Nova York
| Tribunal de Apelacións de Nova York | |
|---|---|
 | |
| Tipo | Tribunal Supremo estatal |
| Data de fundación | 1847 |
| Organización matriz | Tribunal Supremo dos Estados Unidos |
| Sede | Albany, Nova York |
| En | Nova York |
| País | Estados Unidos de América |
| Na rede | |
| http://www.courts.state.ny.us/ctapps/ | |
| [ editar datos en Wikidata ] | |
O Tribunal de Apelacións de Nova York (en inglés, New York Court of Appeals) é a máis alta instancia xudicial do estado de Nova York (Estados Unidos). Fundado en 1847 e a súa sede está en Albany. Conta con sete maxistrados cuxas sentenzas poden ser recorridas ante o Tribunal Supremo dos Estados Unidos.
Atribucións[editar | editar a fonte]
O Tribunal de Apelacións foi establecido pola Constitución de 1846 como o herdeiro do Tribunal da Chancelaría (en inglés, Court of Chancery) e do Tribunal de Corrección de Erros (Court of Correction of Errors).[1] Na actualidade, as súas funcións está determinadas polo artigo sexto da Constitución correspondéndolle a revisión xudicial dos tribunais inferiores do sistema xudicial de Nova York.[2] O tribunal selecciona os casos que lle recorren tendendo a centrarse naqueles que teñen maior impacto público e non tanto nos arranxos entre particulares. Ademais, ao Tribunal correspóndelle unha importante función na administración xudicial do estado pois á cabeza do sistema xudicial estatal está o presidente do Tribunal de Apelacións e para gobernalo debe contar coa aprobación do pleno de maxistrados do Tribunal.[3]
Membros[editar | editar a fonte]
O Tribunal de Apelacións compose de sete maxistrados nomeados polo gobernador do estado co "consello e consentimento" do Senado para mandatos de 14 anos.[4] Un deles é nomeado polo gobernador como presidente (chief justice). Débense retirar ao final do ano no que cumpren 70 anos de idade.
O número de xuíces e mais a duración do mandato foi mudando ao longo do tempo: se ben inicialmente eran oito xuíces designados para períodos de oito anos, dende 1869 o Tribunal de Apelacións conta co deseño actualmente vixente.[3]
Notas[editar | editar a fonte]
- ↑ "New York State Court of Appeals". Historical Society of the New York Courts (en inglés). Consultado o 2023-09-01.
- ↑ "New York Constitution :: Article VI - Judiciary :: Section 3 - Court of appeals; jurisdiction". Justia Law (en inglés). Consultado o 2023-09-01.
- ↑ 3,0 3,1 "New York Court of Appeals - Background". www.law.cornell.edu. Consultado o 2023-09-01.
- ↑ "New York Constitution :: Article VI - Judiciary :: Section 2 - Court of appeals; organization; designations; vacancies, how filled; commission on judicial nomination". Justia Law (en inglés). Consultado o 2023-09-01.
