Tribunal Supremo de Washington
| Tribunal Supremo de Washington | |
|---|---|
 | |
| Tipo | Tribunal supremo estatal |
| Data de fundación | 9 de novembro de 1889 |
| País | Estados Unidos de América |
| 47°02′13″N 122°54′18″O / 47.0369, -122.905 | |
| Na rede | |
| http://www.courts.wa.gov/appellate_trial_courts/supremecourt/ | |
| [ editar datos en Wikidata ] | |
O Tribunal Supremo de Washington (en inglés, Washington Supreme Court) é a máxima instancia xudicial do estado de Washington (Estados Unidos). Fundado en 1889, ten a súa sede en Olympia e intégrano nove maxistrados cuxos veredictos poden ser recorridos ante o Tribunal Supremo dos Estados Unidos.
Competencias
[editar | editar a fonte]A Constitución de Washington no seu artigo cuarto determina os poderes do Tribunal Supremo correspondéndolle garantir o hábeas corpus e o quo warranto (clarificar os poderes das autoridades) e exercer o mandamus (obrigar ao cumprimento) e o certiorari (exercer a revisión xudicial). Deste xeito, é a derradeira instancia de apelación estatal podendo revisar os casos dos tribunais subordinados.[1] Esa facultade faina a partir da documentación do proceso elaborada polo xulgado apelado mais non toma declaración ás partes ou ás testemuñas.
Membros
[editar | editar a fonte]Nove xuíces conforman o Tribunal Supremo. Estes teñen mandato des de seis anos e son electos pola cidadanía mediante sufraxio nunhas eleccións nas que concorren candidatos independentes (os partidos políticos non poden presentar aspirantes).[2] Os maxistrados que compoñen o tribunal, escollen entre eles ao presidente (chief justice) para períodos de catro anos (mediante voto secreto). Ademais, os xuíces débense retirar ao cumpriren 75 anos.[1] Doutra parte, a sede do Tribunal Supremo está nun edificio chamado Templo da Xustiza en Olympia, a capital do estado de Washington.[3]
Notas
[editar | editar a fonte]- ↑ 1,0 1,1 "Code Reviser Washington State Constitution". leg.wa.gov. Consultado o 2023-09-07.
- ↑ "Washington State Courts - Supreme Court". www.courts.wa.gov. Consultado o 2023-09-07.
- ↑ "Temple of Justice". des.wa.gov. Consultado o 2023-09-07.
Véxase tamén
[editar | editar a fonte]Ligazóns externas
[editar | editar a fonte]- Páxina web do Tribunal Supremo de Washington (en inglés)
