Travesti Afgano

Na Galipedia, a Wikipedia en galego.
Travesti Afgano
OrixeLérez, Pontevedra, Galicia Galicia
Período2012-presente
Xénero(s)post-punk, garage rock, punk rock, noise rock
Selo(s) discográfico(s)Seara Records, PORNO, Mama Vynila Records, Discos Anormales, Producciones Esporádicas, Pelgar
MembrosRafa Anido
Luismi González
Marcos Martínez
Camilo
Na rede
Bandcamp

Travesti Afgano é unha banda de post-punk galega baseada en Lérez, Pontevedra, formada no ano 2012 por membros de Lobishome e Metralletas Lecheras.[1] Ata a data levan publicados dous álbums, Jefes de Julais (2015) e Nos vale madre (2017), un EP Yo se la chupé a Mark E. Smith (2013), e un disco compartido con Monstruo, Split TRVST​/​MNSTR (2015).[2]

Historia[editar | editar a fonte]

A idea de formar Travesti Afgano xorde tras un concerto de Lobishome en 2012. Nunca conversa entre Luismi González (Lobishome) e Rafa Anido (Metralletas Lecheras), os dous falaron de iniciar un novo proxecto debido ao parón da banda de Anido. A eles uníuse o baixista de Lobishome, Marcos Martínez, encargándose da batería.[1]

Despois duns poucos ensaios a banda xa tiña compostos varios temas que gravaron con Manu G. Sanz (Selvática, Indómitos) en Tomiño para converterse no EP Yo se la chupé a Mark E. Smith, editado en casete en xullo de 2013 a través do selo Seara Records.[1][3]

Travesti Afgano converteuse en cuarteto coa entrada de Camilo, tamén membro de Metralletas Lecheras, ocupando a batería, pansando Marcos Martínez a tocar o baixo.[1] En novembro de 2014 gravaron o seu primeiro álbum con Ibán Terraforma en Terraforma Estudios, no Hío, Cangas. O disco, titulado Jefes de Julais foi publicado en decembro de 2015 a través do selo Mama Vynila Records.[4] Ese mesmo ano, no mes de marzo, tamén lanzaron o casete compartido Split TRVST​/​MNSTR coa banda Monstruo.[5]

En xuño de 2017 a banda publicou o seu segundo álbum, Nos vale madre, gravado tamén en Terraforma Estudios e producido e mesturado por Manu G. Sanz. O disco foi lanzado polos selos Mama Vynila, Pelgar, Discos Anormales e Producciones Esporádicas.[6] O traballo está formado por once temas orixinais e dúas versións, "La polla de Hitler" de Angry Samoans e "Golden Apples" de Country Teasers.[7]

Discografía[editar | editar a fonte]

Álbum Ano Selo Notas
Yo se la chupé a Mark E. Smith 2013 Seara Records EP
Split TRVST​/​MNSTR 2015 PORNO Disco compartido con Monstruo
Jefes de Julais 2015 Mama Vynila Records
Nos vale madre 2017 Mama Vynila, Pelgar, Discos Anormales, Producciones Esporádicas, La Camelia

Notas[editar | editar a fonte]

  1. 1,0 1,1 1,2 1,3 "Travesti Afgano". La Fonoteca. Consultado o 19 de setembro de 2018. 
  2. "Travesti Afgano". Galician Tunes. Consultado o 19 de setembro de 2018. 
  3. "Yo se la chupé a Mark E. Smith by Travesti Afgano". Bandcamp. Consultado o 19 de setembro de 2018. 
  4. "Jefes de Julais by Travesti Afgano". Bandcamp. Consultado o 19 de setembro de 2018. 
  5. Bandcamp (ed.). "Split TRVST/MNSTR por Travesti Afgano". Consultado o 19 de setembro de 2018. 
  6. "Nos vale madre by Travesti Afgano". Bandcamp. Consultado o 19 de setembro de 2018. 
  7. "Nos vale madre - Travesti Afgano". Rockdelux. Arquivado dende o orixinal o 19 de setembro de 2018. Consultado o 19 de setembro de 2018. 

Véxase tamén[editar | editar a fonte]

Ligazóns externas[editar | editar a fonte]