Transplante de pelo

Un trasplante de enxerto para cubrir a cicatriz dunha operación de hidradenite supurativa na parte posterior da cabeza.

O transplante de pelo ou cabelo é unha técnica cirúrxica que extrae folículos pilosos dunha parte do corpo, chamado "sitio doante" a unha parte calva chamada "sitio receptor". Esta técnica utilízase principalmente para tratar a calvicie masculina. Neste procedemento minimamente invasivo, os inxertos que conteñen folículos pilosos xeneticamente resistentes á calvicie (coma os da parte posterior da cabeza) transplántanse ao coiro cabeludo carente de pelo. O trasplante de pelo tamén pode utilizarse para restaurar as pestanas, as cellas, a barba, o pelo do peito, o cabelo pubiano e para cubrir as cicatrices causadas por accidentes ou cirurxías, como estiramientos faciais ou transplantes de cabelo anteriores. O transplante de pelo difire do enxerto de pel en que estes inxertos conteñen case toda a epiderme e a derme que rodea o folículo piloso e que transplántanse moitos pequenos inxertos, en lugar dunha soa tira de pel.

Posto que o cabelo medra naturalmente en grupos de 1 a 4 pelos, as técnicas actuais recollen e transplantan unidades foliculares nos seus lugares naturais. Así, o transplante de pelo moderno pode lograr unha aparencia natural ao imitar a orientación orixinal do cabelo. Este procedemento de transplante de pelo chámase transplante de unidades foliculares (FUT). O cabelo do doante pode obterse de dous xeitos diferentes: recollida de tiras ou extracción de unidades foliculares (FUE).

Procedemento

Avaliación e preparación pre-operatoria

Nunha consulta inicial, o cirurxián analiza o coiro cabeludo do paciente, escoitando as súas preferencias e expectativas e aconséllalle sobre a súa proposta (por exemplo, sesións únicas ou múltiples) e que resultados razoables pode esperar. A foliscopia pre-operatoria axudará a coñecer a densidade real do cabelo existente, de modo que os resultados post-operatorios dos inxertos de pelo acabado de transplantar poden avaliarse con precisión. Algúns pacientes poden beneficiarse coa aplicación tópica pre-operatoria de minoxidil e vitaminas.

Métodos de recollida

As operacións de trasplante realízanse realízanse de xeito ambulatorio, con sedación suave (opcional) e anestesia local inxectada. O coiro cabeludo lávase con xampú e despois trátase cun axente antibacteriano antes de colleitar o coiro cabeludo do doante.

Hai dúas formas principais nas que se extraen os inxertos de doantes: a recolección por escisión de tiras e a extracción de unidades foliculares (FUE).

Recolección de tiras (FUT)

A recolección de tiras (tamén coñecida coma transplante de unidades foliculares ou FUT) é a técnica máis común para eliminar o cabelo e os folículos dun lugar doante. O cirurxián extrae unha tira de pel do coiro cabeludo posterior, nunha área de bo crecemento do pelo. Utilízase un bisturí de folla simple, dobre ou tripla para extraer tiras de texido con cabelo do lugar doante. Cada incisión planifícase de modo que se eliminen os folículos pilosos intactos. A tira extirpada ten un tamaño aproximado de 1 a 1,5 x 15 a 30 cm. Mentres pechan a ferida resultante, os sanitarios comezan a diseccionar inxertos de unidades foliculares individuais, que son pequenos grupos de folículos pilosos formados naturalmente, da propia tira. Traballando con estereomicroscopios binoculares, eliminan coidadosamente o exceso de texido fibroso e graxo mentres intentan evitar danar as células foliculares que se utilizarán para o enxerto. O derradeiro método de peche chámase 'peche tricofítico', que dá como resultado cicatrices moito máis finas na área doante.

Extracción de unidades foliculares (FUE)

O método FUE manual consiste na extracción das unidades foliculares de xeito individual a través dun instrumento cirúrxico especial: un sacabocados microscópico (normalmente duns 0,8 mm de diámetro) que pode ser manual ou automático e dunha maneira aleatoria da zona doante. Este método é mínimamente invasivo: non require de cortes nin suturas, polo que o proceso de cicatrización é moito máis rápida e non deixa cicatrices visibles. Realízase con anestesia local e para extraer aproximadamente 2.000 unidades foliculares dura unhas 12 ou 14 horas, polo que podería facerse nunha ou dúas sesións.

Destaca por ter unha maior zona doante ao contar coa caluga e tamén cos laterais como zonas de extracción. O método FUE permite a selección dos folículos un por un, podendo elixir os necesarios dependendo do lugar onde estes van ser colocados. Este método ten a capacidade de obter máis folículos despois de non poder aplicar máis cirurxía de técnica de tira.

Restauración capilar robótica

Os dispositivos robóticos de restauración capilar utilizan cámaras e brazos robóticos para axudar o cirurxián co procedemento FUE. En 2009, NeoGraft converteuse no primeiro dispositivo cirúrxico robótico aprobado pola FDA norteamericana para a restauración do cabelo. O sistema ARTAS foi aprobado pola FDA en 2011 para o seu uso na colleita de unidades foliculares de homes de cabelo castaño e negro.