Torchwood

Na Galipedia, a Wikipedia en galego.

Torchwood
FormatoCiencia ficción
Creado porRussell T. Davies
IntérpretesJohn Barrowman
Eve Myles
Burn Gorman
Naoko Mori
Gareth David-Lloyd
País de orixeReino Unido
Lingua(s)Inglés
Produción
Duración50 min. por episodio
Emisión orixinal
Canle de orixeBBC Three - BBC Two (Reino Unido)
Na rede
https://www.bbc.co.uk/programmes/b006m8ln
IMDB: tt0485301 Allocine: 3044 Metacritic: tv/torchwood-uk TV.com: shows/torchwood
Twitter: BBC_Torchwood Youtube: UC8EY2Nlow8wdUMCBucHEaOg Editar o valor em Wikidata
editar datos en Wikidata ]

Torchwood é unha serie de televisión británica que se emite no Reino Unido pola canle BBC Three. En España emítea a cadea Cuatro. Trátase dun spin-off do clásico de ciencia ficción Doctor Who.

Torchwood é unha axencia externa do goberno británico, creada pola Raíña Vitoria, que se encarga de buscar calquera fenómeno sobrenatural que ocorra no Reino Unido, estudalo e neutralizar as ameazas que nazan do mesmo. Como na cidade de Cardiff hai unha barreira dimensional que se estende cada día máis, unha das bases de Torchwood atópase alí. Dita base, denominada Torchwood Three, está situada (na serie) baixo a praza Roald Dahl Plass, na baía de Cardiff, onde tamén se atopa o Millenium Center, un edificio peculiar facilmente recoñecible nas tomas aéreas da cidade que aparecen continuamente na serie. Torchwood Three consta de cinco membros, liderados polo enigmático Capitán Jack Harkness.

O nome de Torchwood é un anagrama de Doctor Who.

En Torchwood aparecen moitos temas LGBT, sobre todo a bisexualidade. Practicamente todos os personaxes tiveron algún encontro con alguén do mesmo sexo na primeira temporada. O creador da serie, Russell T. Davies, denomina ao Capitán Jack Harkness omnisexual, xa que mantén relacións con homes, mulleres, alieníxenas etc.