Tomoe Gozen
![]() | |
Nome orixinal | (ja) 巴御前 ![]() |
---|---|
Biografía | |
Nacemento | 1157 ![]() Xapón ![]() |
Morte | 1247 ![]() |
Datos persoais | |
País de nacionalidade | Xapón ![]() |
Actividade | |
Ocupación | Samurai , militar , Onna-musha ![]() |
Lingua | Late Middle Japanese (en) ![]() ![]() |
Carreira militar | |
Conflito | Batalha de Awazu (pt) ![]() ![]() |
Familia![]() | |
Cónxuxe | Minamoto no Yoshinaka |
Fillos | Minamoto no Yoshitaka (en) ![]() ![]() ![]() ![]() |
Pai | Higuchi Kanemitsu (en) ![]() ![]() ![]() |
Tomoe Gozen (巴 御前, Pronuncia xaponesa: [tomo.e])[1] foi unha onna-bugeisha (muller guerreira) do período Heian tardío da historia do Xapón. Serviu ao señor Minamoto no Yoshinaka durante a Guerra Genpei e participou no conflito que levou ao primeiro shogunato.[2][3]
A súa historia, relatada en Heike Monogatari («O conto de Heike»), influíu a varias xeracións de samurais. Tomoe é acotío homenaxeada en libros, música, poesía, cinema, novela histórica, e na cultura en xeral.[2][3]
Guerra Genpei[editar | editar a fonte]
![](http://upload.wikimedia.org/wikipedia/commons/thumb/d/d9/Tomoe_Gozen_Killing_Uchida_Ieyoshi_at_Battle_of_Awazu_no_Hara_%281184%29_MET_DP135504.jpg/220px-Tomoe_Gozen_Killing_Uchida_Ieyoshi_at_Battle_of_Awazu_no_Hara_%281184%29_MET_DP135504.jpg)
Baixo o liderado de Yoshinaka, dirixiu 300 samurais contra 2.000 guerreiros Taira, un clan rival, durante a guerra. Despois de derrotar o clan Taira en 1182 e conducilos ás provincias occidentais, Yoshinaka tomou Kyoto e aspirou a ser o dirixente do clan Minamoto. Incitaron ao seu curmán Yoritomo para esmagalo, e enviou os seus irmáns Yoshitsune e Noriyori para matar a Yoshinaka.
Yoshinaka enfrontouse ás tropas de Yoritomo na Batalla de Awazu o 21 de febreiro de 1184, onde Tomoe Gozen obtivo polo menos unha cabeza inimiga. Malia que as tropas de Yoshinaka loitaron con valor, foron superadas en número e derrotadas. Ao Yoshinaka ser vencido, con só uns poucos dos seus soldados en pé, díxolle a Tomoe Gozen que fuxise porque quería morrer co seu irmán adoptivo Imai Kanehira e sería avergoñado se morrer cunha muller.[4]
Hai diversos rexistros posteriores. Na Batalla de Awazu en 1184[5] decapitou o samurai Honda no Morishige de Musashi.[6] Tamén se soubo que matou a Uchida Ieyoshi e que escapou de ser capturada por Hatakeyama Shigetada.[7] Despois de Tomoe Gozen decapitar o líder do clan Musashi, presentoulle a cabeza deste ao seu señor, Yoshinaka.[8]
Notas[editar | editar a fonte]
- ↑ Gozen non era un nome, senón un título honorífico polo xeral outorgado ás mulleres. Porén, en ocasións tamén se lle outorgaba aos homes.
- ↑ 2,0 2,1 Pennington, Pennington (2003). Amazons to Fighter Pilots: A Biographical Dictionary of Military Women (en inglés). Vol. 2 (N-Z). Reina. pp. 437–438. ISBN 9780313327087.
- ↑ 3,0 3,1 Turnbull, Stephen (2012). Samurai Women 1184–1877 (en inglés). Ilustrado por Giuseppe Rava. Bloomsbury Publishing. pp. 36–37. ISBN 9781846039522.
- ↑ The Tales of the Heike (en inglés). Traducido por Burton Watson. Columbia University Press. 2006. p. 86. ISBN 9780231138031.
- ↑ Turnbull, Stephen (1998). The Samurai Sourcebook (en inglés). Cassell & Co. p. 204. ISBN 9781854095237.
- ↑ Faure, Bernard (2009). The Power of Denial: Buddhism, Purity, and Gender (en inglés). Princeton University Press. ISBN 9781400825615.
- ↑ Joly, Henri L. (1979). Legend in Japanese Art (en inglés). Tuttle. ISBN 9780804803588.
- ↑ Salmonson, Jessica Amanda (2015). Thousand Shrine Warrior (en inglés). Open Road Media. ISBN 9781453293836.