Un tigrón é un felinohíbrido nado da unión dun tigre e dunha leoa criados en cativerio. Os tigróns non son tan frecuentes como os híbridos inversos, chamados ligres, produto da unión dun león e dunha tigresa. É pouco probábel que os tigróns se dean na natureza debido a que tigres e leóns non comparten hábitat nin períodos de reprodución e apareamento.
Os tigróns presentan características dos dous proxenitores: con aspecto de leóns con raias de tigres. Medran moito menos cás especies de orixe, debido a que herdan xenes inhibidores de crecemento de ambos os dous pais. Pesan polo xeral arredor dos 150 quilogramos.
