Thomas Lincoln Casey Jr.
  | |
| Biografía | |
|---|---|
| Nacemento | 19 de febreiro de 1857 West Point, Nova York |
| Morte | 6 de febreiro de 1925 Washington, D.C. |
| Datos persoais | |
| País de nacionalidade | estadounidense |
| Educación | Academia Militar dos Estados Unidos |
| Actividade | |
| Campo de traballo | Entomoloxía |
| Ocupación | enxeñeiro militar, entomólogo, astrónomo |
| Empregador | Exército dos Estados Unidos de América |
| Obra | |
| Abreviatura do autor en zooloxía | Casey |
Familia | |
| Pais | Thomas Lincoln Casey e Emma Casey (en)  |
 | |
Thomas Lincoln Casey Jr., nado o 19 de febreiro de 1857 en West Point, Estado de Nova York, e finado o 6 de febreiro de 1925 en Washington, D.C., foi un enxeñeiro militar do exército dos Estados Unidos de América, e un entomólogo que destacou polos seus traballos sobre os coleópteros.
Traxectoria[editar | editar a fonte]
Thomas Lincoln Casey Jr. foi o fillo máis vello do xeneral de brigada Thomas Lincoln Casey (1831–1896), que exerceu como xefe de enxeñeiros do Corpo de enxeñeiros do exército dos Estados Unidos e supervisou a conclusión do monumento a Washington.
Casey seguiu os pasos do seu pai e estudou na Academia Militar dos Estados Unidos en West Point.
Ingresou na Academia en 1875 e graduouse como segundo na súa clase en 1879, cando recibiu o cargo de segundo tenente do Corpo de Enxeñeiros.[1]
Foi ascendido a primeiro tenente en xuño de 1881, e a capitán en xullo de 1888. A partir de 1895 foi destinado á construción de fortificacións en Fort Monroe e na área de Hampton Roads en Virxinia. En xullo de 1898 ascendeu a maior, e supervisou a instalación de minas subacuáticas para defender Hampton Roads durante a Guerra hispano-estadounidense.
Despois da guerra serviu en Vicksburg, Mississippi de 1899 a 1901, e estivo á fronte das melloras do río Mississippi en St. Louis, Missouri, de 1901 a 1906.
En 1906 foi ascendido a tenente coronel e, en 1909, a coronel, e asignado como enxeñeiro secretario da Lighthouse Board até 1910. Casey retirouse do exército o 1 de novembro de 1912.[2]
Obra científica[editar | editar a fonte]
Casey publicou numerosos artigos científicos sobre os coleópteros, e unha monografía, Memoirs on the Coleoptera (1910-1924).[3]
Ademais, en malacoloxía, publicou, en 1904, "Notes on the Pleurotomidae with description of some new genera and species". Transactions of the Academy of Science of St. Louis 14 (5): 123-170, traballo no que describiu, entre outros taxons, a superfamilia de moluscos gasterópodos dos murquisoneloideos.
As súas coleccións atópanse no Museo Nacional de Historia Natural de Washington, D.C.
Tamén é coñecido polas súas achegas á astronomía.[4]
Abreviatura[editar | editar a fonte]
A abreviatura Casey emprégase para recoñecer a Thomas Lincoln Casey Jr. como autoridade na descrición e taxonomía en zooloxía.
Notas[editar | editar a fonte]
- ↑ United States Army Corps of Engineers-Thomas Lincoln Casey, Jr.
- ↑ George Washington Cullum (1920): Biographical register of the officers and Graduates U.S. Military Academy.
- ↑ Brett Ratcliffe (2007): Scarab workers Lincoln: University of Nebraska.
- ↑ R. G. Aitken (1925): Thomas Lincoln Casey (1857-1925) en Publications of the Astronomical Society of the Pacific 37 (219): 265.
Véxase tamén[editar | editar a fonte]
 |
Wikispecies posúe unha páxina sobre: Thomas Lincoln Casey Jr. |
