Tierra de Alba
| Localización | ||||
|---|---|---|---|---|
| ||||
| Estado | España | |||
| Comunidade autónoma | Castela e León | |||
| Provincia | provincia de Zamora  | |||
| Poboación | ||||
| Poboación | 1.712 (2017) (5,58 hab./km²) | |||
| Xeografía | ||||
| Superficie | 306,96 km² | |||
A Tierra de Alba (Terra de Alba) é unha comarca natural e política situada no centro da provincia de Zamora, en España. Está formada por 25 concellos e a súa capital é Carbajales de Alba.
Conta con límites xeográficos marcados na súa maior parte por accidentes naturais, pois áchase bordeada polos ríos Esla polo leste e Douro polo sur. Polo norte limita coa comarca de Tábara e polo oeste con Aliste, formando con estas dúas comarcas a zona de Aliste-Tabara-Alba.
Trátase dunha comarca de gran riqueza natural, pois ten unha variada flora e fauna, grande interese paisaxístico e unha interesante e antiga historia. Tamén é refuxio de innumerables mostras de folclore e tradicións. O seu maior lastre na actualidade é a perda e o envellecemento da súa poboación.
Esta comarca, a pesar do seu gran sentido de identidade, con características xeográficas, económicas, sociais e históricas afíns, non conta co necesario recoñecemento legal para o seu desenvolvemento administrativo, o que levou aos seus municipios a organizarse en mancomunidades como única fórmula legal que lles permite a optimización da xestión dalgúns servizos públicos municipais.[1]
Concellos
[editar | editar a fonte]- Carbajales de Alba
- Losacino
- Losacio
- Manzanal del Barco
- Olmillos de Castro
- Perilla de Castro
- Santa Eufemia del Barco
- Vegalatrave